ثقافتنــــــــــــــــــا

فقاقيع من الصابون والوحل

فمازالت بداخلنا

"رواسب من " أبي جهل

ومازلنا

نعيش بمنطق المفتاح والقفل

نلف نساءنا بالقطن

ندفنهن في الرمل

ونملكهن كالسجاد

كالأبقار في الحقل

ونهذا من قوارير

بلا دين ولا عقل

ونرجع أخر الليل

نمارس حقنا الزوجي كالثيران والخيل

نمارسه خلال دقائق خمسه

بلا شوق ... ولا ذوق

ولا ميل

نمارسه .. كالات

تؤدي الفعل للفعل

ونرقد بعدها موتى

ونتركهن وسط النار

وسط الطين والوحل

قتيلات بلا قتل

بنصف الدرب نتركهن

يا لفظاظة الخيل

قضينا العمر في المخدع

وجيش حريمنا معنا

وصك زواجنا معنا

وقلنا : الله قد شرع

ليالينا موزعه

على زوجاتنا الأربع

هنا شفه

هنا ساق

هنا ظفر

هنا إصبع

كأن الدين حانوت

فتحناه لكي نشبع

تمتعنا " بما أيماننا ملكت "

وعشنا من غرائزنا بمستنقع

وزورنا كلام الله

بالشكل الذي ينفع

ولم نخجل بما نصنع

عبثنا في قداسته

نسينا نبل غايته

ولم نذكر

سوى المضجع

ولم نأخذ سوى

زوجاتنا الأربع

قصيدة غريبة و غير مناسبة للواقع

روح اتعلم شعر الاول وبعدين اعترض على رائعة من روائع العظيم(والعظمة لله)نزار قباني

انا اسف

قصيده من اجمل ما قرات لنزار و اكتر حته عجبتني:

اقتباس :

نلف نساءنا بالقطن

ندفنهن في الرمل

ونملكهن كالسجاد

كالأبقار في الحقل

وده رايي فعلا ان ان احنا بقينا نوظف الدين علي هوانا و نسينا نبل الرساله السماويه
شكلي هاتبدي احبك يا لافر طيب اما انت مؤمن بحقوق المراه اوي كده امال ايه موضوع فتنه ده يا راااجل

بالنسبه للاخ غلاب... بص يا صديقي هيا مناسبه للواقع جدا ماعاد حته زوجاته الاربع عشان مافيش حد معاه فلوس دلوقتي عشان يتجوز اربعه
القصيده فعلا حلوه اوي يا لافر
ناس توبك يا مان

ههههههههههههههههههه
لان يا ميكو في بنات كويسيين كتير وفعلا كتير اوي بس للأسف القلة هما اللي ظاهرين ومبوظين الدنيا
ع العموم انا حيادي انت عارف والنساء وصى عليهم الرسول محمد صلى الله عليه وسلم
بس هما عاوزين القرص شوية

اولا القصيدة حلوة جدا.. لا خلاف على اى حاجة لنزار يا جماعة..
ميرسى يات لافر تسلم

ثانيا انا شايفة ان لها بعد اجتماعى كبير وفيها من الواقع كتير..
وغير كده انا طبعا من مؤيدى حقوق المرأة قلبا وقالبا..

المهم يا مايكل معاك حق فى حكاية نوظف الدين لأهوائنا
لان دا بقى واضح فى جوانب كتير غير الجانب الى اتكلمت عنه القصيدة..

ولافر بجد رأيك مظبوط جدا الكويسين كتير
بس اللى باين وظاهر القلة اللى مبوظة الدنيا
عندك حق.. بس بلاش حكاية عايزين القرص شوية دى ..
عشان انت عارف انها مش بتنفع كتير..

إحم ......

يبدو إن أنا الوغد الوحيد المعترض فى هذا التجمع الحميد



إزاى يعنى لا خلاف على أى حاجة لنزار ؟؟؟؟


ماشى هو شاعر كبير و كل حاجة

إنما لو حاولنا نعد القصائد إللى لازم نعترض عليها مش هنخلص

هو مش منزل يعنى

**********


بالنسبة لموضوع القصيدة تحديدا


فأنا وجهة نظرى ـــ الشخصية المتواضعة ـــــ إنها فعلا يعنى غريبة


فين مظاهر الإستعباد و المعاناه و هذا الكلام التراجيدى ؟؟؟؟



أنا متفق معاه إن الدين أصبح مغيب أو بيستخدم إستخدام سيء

من شعوب سيئة التربية



لكن بالنسبة لموضوع معاملة المرأة دا

أنا مش شايف قدامى حاجة من دى ........

بص يا غلاب يا صديقي هوا نزار فعلا اكيد ليه سقطات عشان هوا مش منزل زي ما انت قولت

بس موضوع القصيده فعلا موجود في المجتمع بشكل او ب اخر مش شرط يبقي استعباد يعني ونروح نشتريهم من سوق عكاظ
انما في ناس تانيهما بيعملو الي نزار قال عليه غفي الحياه الزوجيه
وفي ناس تانيه ماشيين بمنطق فتنه (مش قصدي انت يا لافر و الله انت طلعت برائه )
وبيحاولوا يدفنو الستات كأنهم نفايات نوويه
دول بقي الي عمك نزار بيتكلم عنهم
شكرا لحسن استماعك يا سيد غلاب

انا شايف ان دكتور غلاب عنده حق

القصيدة حلوة جدا علي عينا وراسنا
ونزار راجل فنان وبنحترم كلامة

لكن القصيدة لو جيت قارنتها بواقعنا دلوقتي حتلاقيها لا تمت للواقع بصلة
انت دلوقتي في مجتمع الرجالة بدؤا حملة في المطالبة بالمساواه بالمرأة
المرأه خدت حقوقها تالت ومتلت وداخلة علي حقوق الراجل

ولو القصيدة دي كلامها صحيح فبنسبة صغيرة جدا من اللي بيحصل دلوقتي
انا شايف ان دلوقتي عصر قصيدة "ارحميني واديني حقوقي كزوج "

ههههههههههههههه
واللهي يا ياني كل واحد يتكلم عن نفسه لاني مش شايف ان الراجل مضطهد وبيطالب بحقوقه دي حاجة ترجعلك انت بقى

أنا اسف يا حبي

ههههههههههههههه
زى العسل يا ويجا طول عمرك يا بنتى
وجبتى المفيد والله ..

هوا فعلا علي راي لافر انا مش حاسس اني مضطهد خالص و فعلا كل واحد ادري بنفسه
(سوري يا ياني )
وبالنسبه لكلامك يا ويجا هوا فعلا الستات خدوا حقهم علي الورق ولسه قدامهم بدري اوي علي ما يخادوه بحق و حقيقي
و هاحاول اعمل نفسي ما شفتش موضوع العبوا مع بعض و متتخانقوش ده
والا هاتخليني اقولك زي الاستاذ الماجري الي بيخاف يطلع بره
نايس توبك لتاني مره يا لافر

إممممم .............

(( هذه بلاد لم تعد تشبه بلادى ...))