أحــــلـــى بــيــطـــرى

ملتقى طلاب كليه الطب البيطرى جامعه كفر الشيخ
 
الرئيسيةwww.a7lavet.ahlمكتبة الصورس .و .جبحـثالمجموعاتالتسجيلدخول

شاطر | 
 

 (( عقبالك يا وفاء ))

اذهب الى الأسفل 
كاتب الموضوعرسالة
GHALLAB55
عضو نشيط
عضو نشيط
avatar


مُساهمةموضوع: (( عقبالك يا وفاء ))   الأحد فبراير 22, 2009 12:36 am

الإسبوع إللى فات

معدى كدا من قدام مجموعة من البنات فى الكلية متجمعين حوالين

موبايل واحدة صاحبتهم و واضح إنهم كانوا بيشوفوا صور جوازها


و طبعا كلهم منبهرين غاية الإنبهار و هما بيتفرجوا و كإن دا طقس واجب النفاذ

كالعادة يعنى البنت المصرية لازم الأفراح و الحاجات دى شيء أساسى فى حياتها

موضوع الإنبهار دا مش جديد عليا

و لا حتى نظرات التمنى و الإستغراق فى الخيالات ........من صاحبات العروسة

و لا حتى وقفة الثقة الجامدة قوى للعروسة محط الإهتمام

و بريق الفرحة فى عينها و نشوة النصر و الظفر و الإحساس بإمتلاك الدنيا

الإحساس بتاع (( الدنيا ضحكتلى أخيرا و الحياة حلوة و أنا إتولدت من جديد ))

و الحاجات إللى عادة بيولدها الزواج عند المتزوجين حديثا و إن كان عند البنت

بتبقى كل المشاعر دى متضخمة جدا جدا أكتر من الولد .........


كل دا عادى بالنسبة لعينى الفاحصة المدربة


بس الجديد هو إللى لقطته ودانى المرهفة و أنا ببعد عنهم


العروسة لإحدى صديقاتها :

ـــ عقبالك يا وفاء .......

ترد وفاء بلهجة تهكمية لإضفاء نوع من المرح و إن كان واضح إنها

نوع من الكوميديا التراجيدية :

= اه ومالو يا أختى ...............ربنا موجود ........

و هنا تعالت ضحكات الجميع فى أرجاء المكان !!!!!




طبعا هو بغض النظر يعنى إن المفروض صوت البنت ميطلعش بضحك فى مكان عام

ــــ حتى لو كلية ــــ بس مش دى قضيتى ......


القضية فى نبرة الحزن إللى نطقت بيه وفاء الكلمة .........

إحساس كدا بفقدان الأمل فى حدوث هذا الحدث الإسطورى فى يوم من الأيام .......

و فقدان الأمل يولد عجز و كبت و إكتئاب


و حتى لما ضحكوا كانت ضحكة تنفيس مش ضحكة فرح


و هنا حانت منى إلتفاتة سخيفة لهذا التجمع الحميد

عادى خالص شلة بنات مصريين عاديين خالص

متوسطين فى كل حاجة

فى الجمال و اللبس و الفكر و الطموحات و الأحلام .............


يعنى أكيد مفيش واحدة منهم بتحلم تبقى سفيرة مصر فى تنزانيا مثلا

و لا وزيرة الزراعة و لا حتى تطلع دكتورة بيطرية زى ما هتقول شهادتها


أحلامهم أبسط من كدا بكتير


أحلامهم فضلت تنزل تنزل تنزل ......مع مراحل عمرهم المختلفة

لحد ما بقت أقصى امالهم هو تحقيق الإحتياجات الأساسية إللى هى المفروض

أساسا تبقى مكفولة لكل كائن حى بإختلاف رقيه فى مملكة الحيوان


وفاء مثلا ..........

فى سن 13 سنة تخلت عن حلم إنها تبقى رائدة فضاء .....

فى سن 15 تخلت عن حلم إنها تسافر أمريكا

فى سن 17 تخلت عن حلم إنها تحس بالأمان و هى ماشية فى الشارع بالليل

فى سن ال 18 تخلت عن حلم إنها تحس بالحب فى بيتها و بإن يبقالها كلمة

تحترم و روح تعامل برقى و إن يبقالها أب يفهمها و أخ يحتويها .

فى سن ال 19 تخلت عن حلم المعاملة المحترمة فى الكلية .

فى سن ال 20 تخلت عن حلم إنها تعيش فى بلد كويس

فى سن ال 21 تخلت عن أحلام الثراء و النجاح المهنى و الإجتماعى .


و هكذا و هكذا و هكذا ........


و لسا هيكمل بيها قطار الحياة و كل شوية تتخلى عن مجموعة من الأحلام

لحد ما تفاجأ فى الأخر إنها بقت بتحلم إنها تحلم ...........


وفاء مش قادرة حتى تقول كلمة (( إن شاء الله )) أو حتى (( ربنا يسهل ))

مش قادرة حتى تدعى


فقدت أحلامها تباعا و احدا تلو الأخر ........


طيب لما تكبر و سنها يوصل ل 27 و 29 من غير واحد لابس بدلة تتصور معاه

و تورى صورها لصاحباتها و هى جنبه فى الفرح


يا ترى هتكون عاملة إيه ساعتها ؟؟


يا عينى يا وفاء ...........


يا عينى على وفاء و ياسمين و محمد و على و سعاد و حسين و ....,.....,....,.....


عاشوا حياتهم فى وطن رحمه ملوث و أرضه مقفرة و خيره قليل ........!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
المدير
avatar


مُساهمةموضوع: رد: (( عقبالك يا وفاء ))   الأحد فبراير 22, 2009 1:04 am

هو بصراحه عند حق
لكن مش البنات بس الى تخلت عن طموحاتها معظم الناس كده
وده لان الزمن والحياه الى احنا عايشنا خلتنا نفقد طموح ورا طموح لحد ما بقينا مجرد ناس عايزه تقضى يومها وخلاص
وده اكيد مش عيب فينا ده عيب فى الزمن الى عشنا فيه
الزمن الى بقى اسهل ما فيه صعب بالنسبه لاى انسان

بس فيه حاجه عايزه اقولها مش معنى ان البنت تتخطب يبقى ده الامان بالنسبه ليها
ناس كتير فاهمه كده
ممكن يكون حياتها من غير زواج اهون واحسن بكتير لو بيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
micododo
عضو ممتاز
عضو ممتاز
avatar


مُساهمةموضوع: رد: (( عقبالك يا وفاء ))   الأحد فبراير 22, 2009 3:40 am

اولا انا برحب بالاستاذ غلاب الي نور المنتدي بجد Laughing
ثانيا وحشني كلامك الفضائي الكوني العملاق السنونوي geek
انت عندك حق علي فكره ان الاحلام مع تقد مالعمر بتقل لدرجه ان حقوقك كا انسان بشري يعيش ويتعايش بتبقي مجرد حلم بعييييييييييييد Laughing
نايس توبك يا مان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
GHALLAB55
عضو نشيط
عضو نشيط
avatar


مُساهمةموضوع: رد: (( عقبالك يا وفاء ))   الإثنين فبراير 23, 2009 1:39 am

اقتباس :
لكن مش البنات بس الى تخلت عن طموحاتها معظم الناس كده
وده لان الزمن والحياه الى احنا عايشنا خلتنا نفقد طموح ورا طموح لحد ما بقينا مجرد ناس عايزه تقضى يومها وخلاص

العيب مش فى الزمن ولا الحياة

العيب فى الوطن

**********************
اقتباس :

اولا انا برحب بالاستاذ غلاب الي نور المنتدي بجد Laughing
ثانيا وحشني كلامك الفضائي الكوني العملاق السنونوي geek
انت عندك حق علي فكره ان الاحلام مع تقد مالعمر بتقل لدرجه ان حقوقك كا انسان بشري يعيش ويتعايش بتبقي مجرد حلم بعييييييييييييد

ميرسى كتير يا ميكو يا عزيزي

أنا كمان وحشنى كتير إنى أصدع كلامك بالكلام .........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lover2009
عضو ممتاز
عضو ممتاز
avatar


مُساهمةموضوع: رد: (( عقبالك يا وفاء ))   الإثنين فبراير 23, 2009 1:57 am

طب انت عندك كام امنية و(بجد)من الاماني دي اللي سيادتك كتبتها في مشوار حياة وفاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
wija
عضو ممتاز
عضو ممتاز
avatar


مُساهمةموضوع: رد: (( عقبالك يا وفاء ))   الإثنين فبراير 23, 2009 9:02 pm

فعلا هنوصل لاننا نحلم اننا نحلم
الاول يا هلا ياهلا بالنور اللى جه فجأه اهلا بيك يا غلاب
الموضوع حلو بس مش البنت بس الولد كمان ما انت كمان نفسك تبقى فيه واحده جنبك فى الصوره وتحطها على الموبايل وتمارس عليها سلطتك كرجل
ويطلع عينك فى مصاؤيف البيت علشان ترتاح لما تسمع كلمه بابا جه بابا جه
صح ولا لا؟؟
العيب مش فى الوطن صدقنى العيب فينا ..العيب فى اللى باع الوطن وقبض
والعيب فى اللى شاف اللى باع وسكت
والعيب فى اللى عرف اللى باع واللى سكت وما اقدرش يغير وحجته ان الظروف بقت وحشه
نعيب زماننا والعيب فينا.........
شكرا على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Princess GoGa
نائب المدير العام
نائب المدير العام
avatar


مُساهمةموضوع: رد: (( عقبالك يا وفاء ))   الإثنين فبراير 23, 2009 9:52 pm

انا ماليش دعوة بيكى يا ويجا لو اتقبض عليكى
كفاية اللى انا فيه..
لمى الدور يا حجة وخلى الكلام دا فى حديث الاربعاء بتاعى انا وانتى وغلاب بلاش هنا عشنا الرقابة ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
GHALLAB55
عضو نشيط
عضو نشيط
avatar


مُساهمةموضوع: رد: (( عقبالك يا وفاء ))   الأربعاء فبراير 25, 2009 6:09 pm

اقتباس :
طب انت عندك كام امنية و(بجد)من الاماني دي اللي سيادتك كتبتها في مشوار حياة وفاء


أنا بطلت أحلم تقريبا


*********************
اقتباس :

العيب مش فى الوطن صدقنى العيب فينا ..العيب فى اللى باع الوطن وقبض
والعيب فى اللى شاف اللى باع وسكت
والعيب فى اللى عرف اللى باع واللى سكت وما اقدرش يغير وحجته ان الظروف بقت وحشه
نعيب زماننا والعيب فينا.........


الوطن رحمه متصحر

مستحيل يجيب خضرة


*******************

اقتباس :
لمى الدور يا حجة وخلى الكلام دا فى حديث الاربعاء بتاعى انا وانتى وغلاب بلاش هنا عشنا الرقابة ...

أيوة لما نبدأ بقى نحضر دواجن تانى ...... Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
(( عقبالك يا وفاء ))
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحــــلـــى بــيــطـــرى :: قعده بيطرى جـــــــــــداا :: المنتدى الثقافى-
انتقل الى: