الوحده صديق ام عدو

بسم الله الرحمن الرحيم

اولا:موضوع جميل اوى يا ويجا كالعاده
ثانيا:لو اتكلمت عن الوحده هقول كتير لان محدش يقدر يوصفها صح اللي جربها وانا جربتها
بس عمرها ما كانت من اختيارنا

الوحده دي لما تحس ان كل حبيب وصديق غاب عنك من غير ما تلاقي نفسك ليك ذنب في اللي بيحصل وتبقي بتسال نفسك ليه ده بيحصل


الوحده لما تكون زهقان ومخنوق ومش لاقي حد تفضفضله حتي اقرب الناس ليك

الوحده نار بتحرق اللي فيها يوم ورا يوم

الوحده موت في اليوم الف مرة وانت مش لاقي حد يسال عنك وخصوصا للي انت مستني منه السؤال
وتلاقي عكس اللي انت متوقعه
تكون متوقع سؤال وكلام وحنين وذكريات حلوة
متلقيش غير جفا وقسوة ونسيان وسهوه عنك
ولا كانك كنت يوم في الايام كنت من اهم الناس عندهم
ده نوع من الوحده وده صعب لانه مش كده طول عمرك بس ممكن يتعوض


بس اللي مش ممكن يتعوض بقي انك تفقد اعز الناس وانت متاكد ان ده مش ممكن يتعوض
حتعيش حاسس بوحده من الناحيه دي طول عمرك


بس في نوع تاني من الوحده وهوه مسمي بالفراغ العاطفي وهنا بقي بيبقي حواليك الناس كلها والناس كلها شايفه انك مش وحيد بس انا تكون حاسس بوحده ووحشه فظيعه من جواك


وكفايه كده لاحسن انا حاسه اني وجعت دماغكم وطولت عليكم
ميرسي ليكم

ربنا يخليك يا دكتور كيمو ده بس من ذوقك والله

بس اصلي جربت الوحده لفترة كده وسابت فيه شرخ كبير اوى

يارب محدش يجربها