copra ask the all

عاوز رد بصراحة من كل المشتركين فى المنتدى ............؟ هو انا يا جماعة عضو تقيل(غلس) يعنى حاسيين ان انا (منكوا فبكو عافية) أرجوا الرد بصراااااااااااااااحة علشان حسب الرد هيكون التعارف بنا أو عدم التعارف والانسحاب بهدوء....

لا طبعا احنا مش عارفينك اصلا عشان نحكم عليك كده ..
بس احنا متعودين ان اى حد بيدخل يعرف نفسه للناس ونتكلم عادى
فمش ظريف انك تكلم ناس مش عرافه انت مين..
لان بالتالى الردود هتبقى بتحفظ جدا ومش هنتعامل معاك زى ما بنتعامل مع بعض
دا كل قصدنا يا استاذ او يا دكتور كوبرا
واذا كنا زعلنا فزعلنا من الاسلوب لان فى كلام اتقال زعلنا واحنا هنا بنهزر وبنضحك من غير ما نزعل من بعض .. لو تحب تعرفنا بنفسك يكون كويس ويمكن نطلع عارفينك لو انت معانا فى الكلية .. ولو مش عارفينك نحب نعرف اى عضو معانا ونحب برده انك تشارك بموضوع او برد بهدوء وبدون اساءة لحد .. كده يبقى تنور طبعا ...

بص يا دكتور احنا مش ضدك ولا اى حاجه
بس فعلا احنا لازم مين حضرتك عشان نعرف نتعامل معاك لانك لو فضلت مجهول ف المنتدى كده مش هنعرف نتعامل معاك او التعامل هيبقى بحدود
يعنى انا مثلا مش دكتوره بس يعنى اغلبيه المنتدى عارفانى عشان كده مش حدود مابينا
فياريت نتعرف بحضرتك وطبعا يزدنا يشرف

لا طبعا مش عضو تقيل بس المنتدى هنا عامل زى السكينة فى الحلاوة
كله عارف كله حاول تعرفنا على نفسك علشان يعرفوا يتكلموا معاك ازاى

هوة لو ممكن سؤال بسيط يعني خارج الموضوع
هوة فعلا الناس هنا كلها عارفة بعضها وصحاب؟؟؟؟؟؟؟؟؟
يعني مافيش اي حد مايعرفش التاني؟؟؟

اها يادكتور كلنا عارفين بعض او ممكن معظمها عشان كده تلاقينا واخدين ع بعض
وياريت تعرفنا بنفسك يادكتور برضه

طيب لو مش حابب اذكر بياناتي الشخصية فيها مشكلة
يعني انا عمتا زميل ليكم بس مش كفر الشيخ من بيطري الزقازيق
بس مش حابب اذكر بياناتي الشخصية

---

سورى يا جماعة انا نسيت أعرف نفسى أنا مش معاكوا فى الكلية بس فكرة المنتدى عجبتنى مكنتش أعرف أنى هعمل أزعاج ليكوا كده............................

مفيش ازعاج ولا حاجة يا استاذ كوبرا..
احنا كده كده موجودين ع المنتدى ومش متضايقين ولا حاجة..
كلامنا كان عشانك انت لان انت اللى ممكن تضايق من اننا بنتعامل معاك بتحفظ ودا لاننا منعرفكش..
انما لو مش عايز تقول مين حضرتك اتس اب تو يو ..
اهم حاجة واللى يهمنا كلنا
الحفاظ ع الود وروح الاحترام لبعض من غير ما حد يغلط فى حد واهلا بيك معانا..

fara7 كتب:

على فكرة دا بيطرى كفر الشيخ ...............


وعلى فكرة يادكتور كوبرا براحتك عايز تعرفنا يبقى كويس مش عاوز دى حريه شخصيه

أنا عارف ان ده منتدي بيطري كفر الشيخ
واسف لو كنت تطفلت
واضح فعلا انكم مش بتقبلوا اي حد الا لو كان معاكم في الكلية
اسف علي دخولي انا بس فعلا اثناء السيرش علي بحث في الجراحة طلع توبيك من اللي في المنتدي
ولما لقيتكم مع بعض كويسين ولأن كليتي مالهاش منتدي غير واحد للجامعة عامتا فحبيت
اكون معاكم بس واضح اني مش مقبول

dr.farawla كتب:

اهلا باي عضو جديد من بيطري كفر الشيخ او من اي جامعه تانيه

او حتي من اى كليه تانيه...............

المنتدي معمول لتبادل الاراء والافكار في الدراسه وهمومها اولا.........

وبعد كده مفيش مانع من الضحط والهزار والفوازير....................

واعتقد ده مش محتاج تعارف او معرفه شخصيه وعموما الشخصيه بتتعرف من طريه ردودها في المنتدي

اهم حاجه كل ده يحصل في اطار الاحترام

طولت عليكم


عموما اهلا بيك

ماهو دكتورة فرح قالت خلاص المختصر المفيد

عمتا انا حقرا بدون مشاركات علشان ما اتدخلش في اللي ماليش فيه
علي الرغم من ان ردودي ماتعدتش حدود الادب والاحترام

مفيش اى مشكلة أنا من هندسة شبين الفرقة الاولى قسم ميكانيكا

fara7 كتب:

على فكرة يادكتور انا مش قصدى خالص انت فهمتنى غلط خالص واضح ان كان فى غلطه فى كلامك وانا فهمتها غلط وعموما سورى وانا ماليش الحق انى اتحكم فى المنتدى هو لكل الناس ومكنش قصدى كده خالص واهلا باى حد من اى كليه تانيه وبجد احنا بنفرح لما نلاقى ناس من برة موجوده معانا
وعلى فكرة انا معرفش معظم الاعضاء اللى موجودة يعنى مش لازم الواحد يبقى عارف بعضه

واهلا بيك يادكتور بووى والباشمهندش كوبر ا منورييين المنتدى ومستنين مشاركتكم

حصل خير يا دكتورة ولا يهمك
مافيش اي مشكلة
كدة كدة انا فعلا اليومين دول مشاركاتي كتير علشان لسة يومين علي امتحاني الجاي لكن حتشغل بعد كدة
زياراتي للمنتدي حتبقي متقطعه ارجو تقبلوني ضيف تقيل بس الشوية اللي ببقي هنا في المنتدي

dr.farawla كتب:

مش شايفه ان الموضوع يساهل................. كل الحكايه ان فرح قالت ان ده منتدي كفر الشيخ

مش الزقازيق زى ما حضرتك قلت يا دكتور امو بوي ......................... مش اكتر

وبعدين الدكتورة فرح عمرها ما يكون قصدها كده

لاننا بنرحب باي عضو جديد معانا

والمفروض يبقي في روح حلوه مابينا وردود لذيذه

لان المنتدي ده اكيـــــــــــد للتسليه ومش طلبه خناق

وعموما اهلا بيك

سبحان الله
متهيألي إني أنا كمان قلت مافيش مشكلة وانه حصل خير
والموضوع انتهي
وفهمت قصد الدكتورة فرح

dr.farawla كتب:

علي فكرة انا كتبت الرد ده قبل ما اشوف رد حضرتك

وكان قصدي ابين سوء فهم ...................مش اكتر

وبعدين براحه شويه الموضوع مش مستهال سخريه يا سياده الدكتور

مش سخرية والله
وانا اسف لحضرتك لو كان حصل اي مشكلة
او فهمتيني غلط

تسمحولى يا جماعة

اهلا بكل الى يدخل معانا على المنتدى دكتور او بشمهندس او اى كان

الجميع على نفس القدر من الاحترام مدام متبادل

وانا شخصيا كنت سعيد بالناس الجداد فى المنتدى وكنت حاسس انهم هيضيفوا كتير

واتمنى انهم يكملوا معانا بنفس الروح

شكرا لروحكو الجميلة........................اصل مفيش حاجه اسمها نت فى المنوفية مفيش كمبيوتر اصلا..........؟ انا اصلا من طنطا بس الزمن بقى ..............

ايه كل دا ليه يعنى؟
يا جماعه من الاول الاسلوب مكنش ينفع ودا مش بسببنا لاننا من زمان هنا ومحدش فينا زعل التانى..
يبقى فى حد زودها شوية الظاهر ..
بس اوك مفيش مشكلة وزى ما قلت قبل كده مفيش مشكلة ان اى حد يكون موجود هنا بنرحب بيه..
انما حد يكلم بطريقة مش مظبوطة سورى مش هسكت ..
وانا لاحظت المنتدى اليومين دول مبقاش زى الاول لانى مش شايفة غير ردود كتير وكلها كان ممكن تختصر فى جملة واحدة (نتعامل بطريقة مقبولة )..الغلط مردود ..اللى هيشارك معانا باسلوب لائق اهلا بيه .. وقوانين المنتدى واضحة
اسلوبى حاد شوية بس دا اولا لانى اتضايقت جدا من الحالة اللى وصل ليها المنتدى من كتر النقاش فى امور منتهية..
وثانيا لان فى قوانين وشروط كل واحد وهو بيسجل فى المنتدى المفروض يكون اطلع عليها وكلنا هنا ملتزمين بيها واى حياد عنها غير مقبول..
ياريت نرجع حالة الحب والود والمرح اللى كانت عالمنتدى ..

عندك حق ياجىجى والله
بس خلاص نلتزم بقوانين المنتدى وخلاص وياريت كل واحد يحترم القوانين دى
ونتمنى اننا نكون مع بعض احسن من كده
واهلا بيكم ف المنتدى