نكت بايخااااااااااااه

اتنين مساطيل علي تربيزة واحدة واحد قال للتاني انت منين قاله من شبرا قاله الله انا كمان

من شبرا انت فين في شبرا قاله ش15 قاله وانا كمان ش15 و انت فين في ش15 قاله عمارة

5 و انا كمان عمارة 5 الدور الكم قاله التالت الله و انا التالت ..واحد شافهم سال الجرسون

مالهم دول ..قاله دا الواد و ابوه كل يوم علي كده
ــــــــــــــــــــــــــــــــــــــــــــــــــــــــــــــــــــــــــــــــــــــ
مرة اتنين فلاحين كانوا فى الغيط لاقوا طيارة طايرة فى السما الاول قال

طيارة الرئيس اهى
و الثانى قال طيارة الوزير اهى
قالوا احنا نروح الى العمدة و يحكم ما بينا
قالوا للعمدة على الموضوع
قال لهم شفتوا قدام الطيارة موتسيكلات
قالوا لا
قال خلاص دى طيارة الوزير
ـــــــــــــــــــــــــــــــــــــــــــــــــــــــــــــــــــــــ
ايه الشبه بين التفاح والكمثرى ؟؟
الاتنين مش جوافة
ــــــــــــــــــــــــــــــــــــــــــــــــــــــــــــــــــــــــــــ
ليه الأرجنتين مش بيزرعوا تين ؟
لأنها من الدول اللا....تينية

مره واحد بيقول لواحد صاحبه: اسكت مش انا حماتى ماتت امبارح... قاله يا ساتر يا رب... ماتت ازاى الست دى؟ قاله وانا واقف معاها فى البلكونه وقعت من الدور الخامس... قاله دى موته وحشه ... قاله لأ.. ماهى ماوقعتش على الارض... قاله امال ماتت ازاى؟ قاله وقعت على سلك الكهرباء... قاله يا ساتر يارب دى موته وحشه قوى.. قاله بس الكهرباء كانت مقطوعه... قاله امال ماتت ازاى بس؟ قاله اصل السلك نطرها في حمام السباحه... قاله ماتت غرقانه... قاله لأ طبعا... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟ قاله ما انا لما ما لقيتش فايدة رحت خانقها بالإيشارب

واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع .....طلع الدور الرابع وقابل موظف اخر وقال له عايز فراخ مدبوحة ومقطعه ومكيسة فرد الموظف وقال له مافيش فراخ بس ايه رأيك فى النظام

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط

كان فى مرة فيل كل يوم يمشى يدوس على النمل فالأستاز فوزى قائد النمل عمللهم اجتماع وقال فيه احنا لازم نموتة ، فاتقسموا مجموعتين مجموعة نطت على جانبة اليمين راح باعدهم ومجموعة نطت على الشمال راح باعدهم وفضل فوزى فى النص فكل النمل من تحت قعد يزعق : موته يا فوزى موتة يا فوزى

النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه

مرة نملة ماشية بتعيط فمسكها راجل على كفه وسألها "انتي بتعيطى ليةيا نملة؟" قالتله "علشان بابا وعيلتى كلهم ماتوا" حط كفه على كفه وقال "لا حول ولا قوة الا بالله"

تلاتة صقور أغبية اتراهنوا على الى يصطاد أكبر حاجة، الأول راح وجه وفى منقاره حبة دم قالهم شايفين الجبل الى هناك ده قالولوا أيوه قال قتلت وراه غزال والتانى راح وجه وفى منقاره حبة دم كتير قالهم شايفين الشجرة الى هناك دى قالولو أه قالهم قتلت وراها نمر والتالت راح وجه وكله دم فى دم وقالهم شايفين العمود الى هناك ده قالولوا اه قالهم أنا ماشفتوش

ببتغشى برضه
دى رساله موبايل وانت محورها بس على العموم
الابتكار والتجديد والبعد عن التكرار والتقليد
ده كان من خصائص الادب فى العصر الحديث {ثانويه عامة} انا شايف انك بتحنلها اوى يا دكتور محمد