أحــــلـــى بــيــطـــرى

ملتقى طلاب كليه الطب البيطرى جامعه كفر الشيخ
 
الرئيسيةwww.a7lavet.ahlمكتبة الصورس .و .جبحـثالمجموعاتالتسجيلدخول

شاطر | 
 

 حالات احتباس المشيمهretained placenta

اذهب الى الأسفل 
كاتب الموضوعرسالة
micododo
عضو ممتاز
عضو ممتاز
avatar


مُساهمةموضوع: حالات احتباس المشيمهretained placenta   الأربعاء ديسمبر 24, 2008 12:18 am

تمثل الحاله القادمه مشكله فى كثير من الحيوانات وخاصه الحيوانات الضعيفه التى تفقد كل طاقتها بعد الولاده وهذه الحاله هى ( احتباس المشيمه) او (retained placenta).
كيف يتم التعامل مع الحاله:
1- تظهر الحاله بعد الولاده حيث من الطبيعى خروج المشيمه بعد خروج الجنين بفتره معينه وان لم تخرج خلال المده هذه تعتبر حاله احتباس فى المشيمه.
2- المده التى بعدها تعتبر المشيمه محتبسه هى يوم كامل فى الابقار والجاموس و6 ساعات فى الخيول .
3-العلاج ينقسم الى تلات طرق يمكن اتباع احدها كالاتى:

ا- الطريقه اليدويه
يتم من خلالها اخراج المشيمه بعد اعتبارها محتبسه يدويا ( خلى بالك ما تحاولش تطلعها قبل الوقت ده لانها مش هتطلع ولو طلعت هتضيع الرحم وممكن الحيوان ما ينفعش فى الحمل مره اخرى) ويتم بوضع جاونتى جراحه فى اليد اليسرى وجاونتى ولاده فى اليد اليمنى( جاونتى الجراحه ابيض وصغير ام بتاع الولاده بلاستك وطويل) ثم نمسك الجزء الخارج من المشيمه باليد اليسرى وندخل معها باليد اليمنى حتى نصل الى الكوتيليدون والكارنكل ونبدا بمسك الكوتوليدون واحد واحد ونبدا بفك الكوتيليدون من الكارنكل بحركه اهتزازيه خفيفه ثم نفعل ذلك مع كل واحده حتى يتم خلع المشيمه كلها ثم نغسل الرحم بعد التاكد من سلامته ونضع مضادات حيويه مثل تيراميسين اقراص 6-8 قرص مع تزويد الحيوانات بمواد مقويه واعطاء الحيوان مصاد حيوى فى العضل ومضاد للالتهاب مثل الديكساميثازون بجرعه 10 مل فى العضل .

2- الطريقه الفلاحيه( المتبعه فى بعض القرى المصريه)
ويتم ذلك بوضع 2 او 3 طوب احمر وربطها بالجزء الخارج من المشيمه وذلك يعمل كقوه سحب يتم من خلالها سحب المشيمه واحده واحده حتى خروجها كاملا ثم نعطى مضاد حيوى موضعى زى التيراميسين زى ما قلنا قبل كدا .


3-الطريقه العلاجيه
وذلك باعطاء اوكستوسين بجرعه 5 مل فى العضل . (هرمون الانقباض)
ومن الممكن اعطاء الليوتاليز 5 مل عضل ( بروستاجلاندين اف 2 الفا). (يساعد فى الانقباض)


ملحوظه: فى الخيول بمجرد سحب المشيمه ستخرج كلها مره واحده لانها من نوع المشيمه المنتشره .

ملحوظه:طيب افرض ان صاحب الحاله جالك وقلك المشيمه مش راضيه تطلع ولسه لم يمضى وقت كونها محتبسه . انصحه بانه يسبها فتره ممكن تخرج خلالها ولكن لابد ان نغطيها حتى لا تتلوث او تنقل اى ميكروب للرحم ولذلك نغطيها بقطعه شاش عليها بيتادين .


منقول من موقع سيريا فيت للامانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Princess GoGa
نائب المدير العام
نائب المدير العام
avatar


مُساهمةموضوع: رد: حالات احتباس المشيمهretained placenta   الجمعة ديسمبر 26, 2008 2:55 am

حلو اوى الكلام دا
والله فهمت اكتر من اللى بناخده فى الكلية
ايه المشكلة بقى لو درسنا بالطريقة دى بدل العقد يعنى؟؟

المهم الموضوع تمام يا دكتور والله وعايزين بقى كذا حالة دستوكيا برده عشان الولادة بجد اكتر مادة مظلومة فى الكلية ..

وميرسى ع المجهود الجامد دا ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
micododo
عضو ممتاز
عضو ممتاز
avatar


مُساهمةموضوع: رد: حالات احتباس المشيمهretained placenta   الجمعة ديسمبر 26, 2008 3:37 am

العفو يا دكتوره
انا انشاء الله الي ناوي اعملها
الحالات بتاعه
abnormal presentaion postion posture
الرسومات الي فيها هانزلها من موقع كده
عشان تظبتنا في العملي
هيا مش هابقي طبعا زي السكاشن بس هاتبقي توضيحيه
شكرا لمرورك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Princess GoGa
نائب المدير العام
نائب المدير العام
avatar


مُساهمةموضوع: رد: حالات احتباس المشيمهretained placenta   الجمعة ديسمبر 26, 2008 4:14 am

ان شاء الله واكيد هتبقى حلوة
وفعلا احنا محتاجنها لانها مهمة جدا ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr.abdelhamid2006
عضو نشيط
عضو نشيط



مُساهمةموضوع: رد: حالات احتباس المشيمهretained placenta   الأربعاء مارس 18, 2009 12:51 am

السلام عليكم
انا اول ما اشتغلت كنت بستعمل الطريقه اليدويه وديت غلط جدا لانها بتضر الرحم وممكن تعمل التهاب رحمى صديدى
وبعد كده تبين ان المشيمه مهما تحتبس المفروض نتركها تنزل لوحدها مع متابعة درجة الحراره يوميا
اذا ارتفعت نعطى اموكسى سيلين ط.م +مضاد التهابات قوى زى الفنادين 2سم/45كجم لمدة 3 ايام
لو الحراره سليمه خلاص
وعن تجربه بتنزل لوحدها حتى لو قعدت 7 ايام
الخلاصه يجب الا نتدخل باليد
والله ولى التوفيق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حالات احتباس المشيمهretained placenta
الرجوع الى أعلى الصفحة 
صفحة 1 من اصل 1
 مواضيع مماثلة
-
» حالات احتباس المشيمهretained placenta
» المشيمة المتقدمة و انفصال المشيمة Placenta Previa and Abruptio Placentae

صلاحيات هذا المنتدى:لاتستطيع الرد على المواضيع في هذا المنتدى
أحــــلـــى بــيــطـــرى :: عالم الحيوان :: قسم الامراض-
انتقل الى: