سؤال بصرااااحه

هاي ياجماعه
انا عايز اسالكم سؤال بس تجاوبوني بصراحه
هيا حاجه انا حاسسها بس مش عارف في ناس هاتتفق معايا ولا لا
السؤال هوا
هاتزعل او هاتزعلي اما تخلصي الكليه؟؟
بمعني هاتفتقدي كفر الشيخ و المشرحه و الامتحانات الزباله و الكشك المسمي كافيتريا
والسكاشن و رخامه الدكاتره وكده؟؟
انا مش قصدي المعني العام
لان اي حد في اي كليه تانيه هايقولي طبعا هاتوحشني عشان كليته كانت زي الفل و قضي فيها احلي ايام
انما انا اقصد بتوع كفرالشيخ بالذااات
عشان احنا اتعذبنا كتييييير اوي
فا هل هتفتقد الكليه علي الرغم من الي حصلك فيها؟؟

انا عن نفسي هافتقدها جداااااا
رغم اني مخنوق منها جدا
بس برضه بحبها
عايز اسمع رايكم يا جدعااااااان

حسبى الله ونعم الوكيل...

متشفوش وحش يا جماعه انا شبعت منها واستكفيت وكفاية اوى لحد كده

واصحابى ادينى هشوفهم فى اى مكان تانى غير الكلية دى

وعلى فكرة انا خايفة بس من كتر ما اتعودت ع الارف والغم والخنقة لما اخلص احس ان فى حاجة غلط خصوصا لو الحياة بعد الكلية بقت حلوة وزى مانا مخططلها ودا طبعا هيبقى حاجة غريبة بالنسبالى بس ان شاء الله ابقى اجى يوم حفلة التخرج بتاعتنا زى بعضه ولو انى هبقى عاصرة على نفسى لمونة وانا مش بقول كده من فراغ انا عمرى ما شفت ايام سودة فى حياتى غير فى الكلية دى والبلد دى ....

وكل اللى انا متاكدة منه انى هعمل لنفسى غسيل مخ بعد ما اخلص عشان انسى اللى جرالى فى الست سنين دول..

والحسنة الوحيدة اللى عملتها الكلية انها عرفتنى على تلات اشخاص احسن من بعض هما اللى هطلع بيهم منها ان شاء الله ربنا يخليهوملى..

انا بصراحة حزعل علشان مش حنبقى مع بعض وقت طويل ياميكوووووووووو
حنتقابل صدفة اووقت صغير
وانا عمرى ما بشبع منك ياميكووووووووووووووووو
وطبعا كل زميلى واصحابى والناس اللى فى الكلية

شكرا لمروركو كلكم يا جماعه وفعل انا حاسس ان الناس هاتوحشني اوي خصوصا ان في ناس الواحد ممكن ما يشفوهمش تاني خصوصا الي مش من طنطا
شكرا ليكم

يمكن أنا ماليش فى الموضوع بس أكيد هتوحشكم الصداقة
أما بالنسبة للدراسة انا سمعت عنها وكتر خيركم ان انتوا مستحملين
ده كله ولا ايه يا فروحة