أحــــلـــى بــيــطـــرى

ملتقى طلاب كليه الطب البيطرى جامعه كفر الشيخ
 
الرئيسيةwww.a7lavet.ahlمكتبة الصورس .و .جبحـثالمجموعاتالتسجيلدخول

شاطر | 
 

 قاموس المصتلحات البيطرية

اذهب الى الأسفل 
كاتب الموضوعرسالة
micododo
عضو ممتاز
عضو ممتاز
avatar


مُساهمةموضوع: قاموس المصتلحات البيطرية   الإثنين ديسمبر 15, 2008 10:58 pm

قاموس المصطلحات البيطريه


وخلان او وخلانه: يعني الحيوان ضعيف ومش بيقوم من الرقاد بحركه طبيعية لكن بضعف



الشلبان: قروح في الفم تحدث غالبا في الخرفان وعلاجها الجنتيانا ( مس ازرق)



الحيوان قفشان : ضعيف جدا – مصاب بالهزال



الحليه: (بضم الحاء و تشديد الياء) الخروفه التي لم تلد كثيرا (ولاده او اتنين)



الحيوان عاصم(بيعصم): مصاب بالامساك



الشوك او التشويك: يحدث في اللسان ويكون فيها تلتهب شعيرات التذوقtongue papillae ويحدث في الابقار و الجاموس



بولينا: hypophosphatamia hemoglobinuria نقص الفسفور و هيمجلوبين في البول



الاجلال, الشليته: هوا غطاء من شكائر ال قطن او البلاستك يوضع علي ظهر الحيوان الصغير للتدفئه في الشتاء



الصراف- الشياع- حايله- طالبه: هي علامات estrus



الحيا(الحياء) : العضو التناسلي للانثي vagina



حليل الذكر – بشر الذكر : العضو التناسلي للذكر penis



نقر الماعز والخرفان: هوا الجس لتحديد اذا كانت عشار او فاضيه ويكون الجس خارجي زي ما احنا عارفين



البقره او الجاموسه تطرح – ترمي- تسقط(طرحت –رمت – سقطت): يعني حدث اجهاض



القصر ((el gasar- التخشيبه : التيتانوس



البصاص: خروج جزء من الرحم للخارج وليس كاملا partial uterine prolapse



العجل صاب البقره: أي و ثب عليها وثبه صحيحه



البقره او الجاموسه "محضره" :يعني ضرعها مليء باللبن ويحدث في البقر العشار قبل الولاده ب ايام او يوميا بعد الولاده وقبل الحلابه وهوا شيء طبيعي



التحويت: التهاب الغدد الجار درقيه



حمي الدم : طفيليات الدمblood parasites
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fara7
عضو ممتاز
عضو ممتاز
avatar


مُساهمةموضوع: رد: قاموس المصتلحات البيطرية   الإثنين ديسمبر 15, 2008 11:53 pm

بجد انا مكنتش اعرف ولا مصطلح من دوول خالص

بس دوول عايزين حفظ يعنى مذاكرة فى الاجازة بقى الواحد يحفظ براحته

تسلم يادكتور على المجهود الرائع ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
micododo
عضو ممتاز
عضو ممتاز
avatar


مُساهمةموضوع: رد: قاموس المصتلحات البيطرية   الإثنين ديسمبر 15, 2008 11:59 pm

العفو يا دكتوره بس انا كان ليا رجااااء
ياريت اي حد يبقي يعبرني ب رد في القسم ده عشان يشجعني احط مواضيع تاني
انا حاسس اني بكلم نفسي Crying or Very sad
انا عندي مواضيع كتير ممكن تفيدنا في الفليد بدل ما احنا ابيض يا ورد كده
بس شجعووووووني
وشكرا لمرورك يا دكتوره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
المدير
avatar


مُساهمةموضوع: رد: قاموس المصتلحات البيطرية   الثلاثاء ديسمبر 16, 2008 12:07 am

ميرسى يا دكتور والله بجد موضوع مهم جدا
ومهم جدا للناس الى بتشتغل فى الفيلد


وياريت يا دكتور ما تبخلش علينا بالمواضيع الى زى دى فعلا احنا عايزن ننشط الجانب العلمى شويه فى المنتدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fara7
عضو ممتاز
عضو ممتاز
avatar


مُساهمةموضوع: رد: قاموس المصتلحات البيطرية   الثلاثاء ديسمبر 16, 2008 12:18 am

ياريت والله يادكتور تستمر فعلا لان الواحد بيبقى نفسه يكون واعى وعارف حاجات عن مجاله

ماتبقاش دماغنا فاضيه

وانا بشجعك يادكتور ومسنين منك المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ELmagary
عضو ممتاز
عضو ممتاز
avatar


مُساهمةموضوع: رد: قاموس المصتلحات البيطرية   الأربعاء ديسمبر 17, 2008 11:55 am

ايه يادكتور الكلام الكبير ده
هو انجليزى ده يامرسى
على فكرة انا برضه مكنتش اعرف اى مصطلح من ده
بجد تشكر ياميكوووووو على المجهود الرائع ده
وربنا يوفقك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
micododo
عضو ممتاز
عضو ممتاز
avatar


مُساهمةموضوع: رد: قاموس المصتلحات البيطرية   الأربعاء ديسمبر 17, 2008 4:35 pm

شكرا ليكي يا ادمن انتي وفرح و شكرا ليك يا ماجري
وانشاء الله اقدر اجيب حاجات زي دي تاني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr.farawla
عضو ممتاز
عضو ممتاز
avatar


مُساهمةموضوع: رد: قاموس المصتلحات البيطرية   الأربعاء ديسمبر 17, 2008 11:21 pm

انا برد اهوه
بس بجد مصطلحات حلوة وجديده
وخصوصا للي هيشتغل في الفيلد
يلا اكتب انت بس
واذا كان علي الرد مقدور عليه هههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
micododo
عضو ممتاز
عضو ممتاز
avatar


مُساهمةموضوع: رد: قاموس المصتلحات البيطرية   الأربعاء أبريل 08, 2009 4:55 pm

دي تكمله المصطلحات الي فوق لقيتهم علي منتدي بيطري قولت اجيبهم لل افاده lol!


الأسماء الدارجة للبقر ::

عجلة : أنثى صغيرة .
عجل : ذكر صغير .
فرخ بقر : إلى سنتين .
شب بقر : سن 4 سنوات .
شابة : البقرة التى لم تعشر .
الثور : التور .


المصطلحات الخاصة بحالة الحيوان :

البهيم مكشوف : لحم على عضم { ضعيف }.
البهيم غاشش : الحيوان مصاب بالديدان الكبدية .
رفعت لبنها : لم تحلب الكمية المعتادة من اللبن .
لبنها مقطع : بها إلتهاب ضرع ، أو ضرتها منفوخة : بها ورم .
سنانها عايمة : لا تستطيع الأكل .
البقرة بتلحس نفسها : عند وجود شوك بلسانها ، أو نقص في الأملاح .
البقرة مشلبنة : توجد زوائد لحميةبآخر اللسان يجب إستئصالها حتى تستطيع الأكل بسهولة .
أكلتها ناعمة : ضعف الشهية لسوء حالة معدتها ، أو وجودأجسام غريبة في المعدة .
البقرة عاصمة : عندها إمساك .
البقرة منفوخة : من أكل الربة .
الربة : البرسيم الغير مروى و يسبب للبقر إنتفاخ .
البقرة تزرب : عندها إسهال .
البهيمه بتهر : بها إسهال .
البز بيتشقق : مرض الضرع و تيبس الحلمات وتشققها .
قرصة ناف : ورم بالكتف نتيجة استخدام الناف .
خيشومتها جافة : جفاف المخطم .
البهيمة مقطوعة : بها كحة خاصة بعد عمل مجهود .
البهيمة مسلبة : بتنزل مخاط من الحيا مثل السلبة { الحبل} ، وهذا علامة على أنها في حالة شبق .
شعرتها مصَبِيَة : شعرها واقف .
البقرة فوتت سنة : لم تصبح عشراً منذ سنة .
الكى : استخدام آلة محماة لكى القرون أو للترقيم .
الخزام : استخدام خيط مع قطع من الخشب لإحداث إلتهاب في منطقة معينه من الجسم .
العروس : الجزء الحساس المتصل بالشعيرات الدموية بالحافر .
شكلتها : مكا يمسك منها الحيوان للتحكم فيه { منطقة الإلتقاء بين الفخذ و البطن } .
بيت الجلسة : فتحة الشرج .
كسر الذيل : رفع الذيل لأعلى .
بيت الودل خارج برة : خروج الرحم من الحيا .
شالية لبن : واحد كيلو وربع الكيلو من اللبن .
شقتها : فخذها .
رواسة : رباط برأس الحيوان و الوجه .
خدمة : رباط برأس الحيوان و الوجه .

المصطلحات الخاصة بالحالة التناسلية للبقرة و الثور :
أولاً : الشبق و التلقيح :

البقرة صارفة : فر حالة الشبق .
البقرة خارسة : لا تعطى علامة عن حالة الشبق .
البقرة مسلبة : نزول سائل لزج من الحيا .
البقرة بتحيض : نزول دم من الحيا بعد الشبق .
تفتيش البقرة : يريد جسها لتقدير الحمل .
البقرة علت : لم تمسك من التلقيح .
البقرة فوتت سنة : لم تصبح عشراً منذ سنة .
التور طلع طرفه : في حالة انتصاب القضيب .
التور بيضرب : ينط .
التور طالبها : دخل بها .
التور مخصي : لا ينط للتلقيح .

ثانياً : حالة الحمل :
البقرة عشر : حامل
البقرة بتنضف : نزول سائل لزك من الحيا بعد الشهر الخامس من الحمل .
نسيبها تربى العجالي : عدم حلب ابقرة بعد الشهر السابع .
البقرة رخت : إنخفاض فى عظمتى الذيل و ذلك لشد لجنين للأربطة .
البقرة رفعت للولادة : ورم الضرع من أعراض الولادة .
الحيا منفنفة : ورم الحيا من أعراض الولادة .
جوعتها عمرانة : عندما تأكل البقره في حالة الحمل .
جوعتها : بطنها .

ثالثاً: حالة الولادة :
البقرة مخرقة : إنخفاض فى عظمتى الذيل و ذلك لشد لجنين للأربطة .
القرن طش :إنفجار الكيس الأمنيونى إستعداداً لنزول الجنين .
البقرة بتنضف : نزول سوائل بعد الولادة من الحيا .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dr.keemoo
عضو ممتاز
عضو ممتاز
avatar


مُساهمةموضوع: رد: قاموس المصتلحات البيطرية   الخميس أبريل 09, 2009 1:26 am

هااااااااااااااى ميكوووووووووووووو


ايه الحلاوة دى

فعلا مشكلة والله يا بنى الفلاح بيقول حاجات عجب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قاموس المصتلحات البيطرية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحــــلـــى بــيــطـــرى :: عالم الحيوان :: قسم الامراض-
انتقل الى: