( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة )
.رواه البخاري و مسلم
ـــــــــــــــــــــــــــــــــــــــــــــــــــ
لازم نحسن الظن بالله والمفروض اننا ما نتشائمش من حاجة علشان ربنا يوفقنا .. والواحد اكيد مش بيبطل امل ويحلم بالاحسن لكن لو ربنا ما وفقش الواحد فى اللى هو بيحلم بيه يبقى لازم نعرف ان اللى ربنا اختاره لينا هو الاحسن مش اللى كنا راسمين عليه انه يحصل وبكده نكون دخلنا فى بؤرة تانية وهى الايمان بقضاء الله وقدرة وكلنا بنتمنى نكون من المؤمنين
اما القلق فده شيئ طبيعا جدا والانسان اللى مش بيقلق اكيد انسان مش طبيعى .. فالقلق حاجة والتشاؤم ده حاجة تانية
وعلى فكرة الانسان بيوهم نفسه بالتشاؤم لكن فى الحقيقة هو ما بيبقاش عنده ذرة تشاؤم هو بس زى ما قلت بيوهم نفسه مش اكتر .. وان الواحد يوهم نفسه بحاجة ويصدقها، هو كده بيفرضها على عقله الباطن ومع الالحاح الشيئ اللى بنضغط بيه على العقل الباطن بيصبح جزء منه يعنى بسهولة جدا بدل ما احنا بنحاول نوهم نفسنا بحاجة زى التشاؤم بمرور الوقت التشاؤم ده هايكون جزء مننا وهانبدأ نغير نظرتنا لكل حاجة بمنطلق التشاؤم وهايصبح جزء من شخصيتنا وهايأثر بالسلب على علاقتنا مع الناس
بالمختصر المفيد انا ضد التشاؤم وده رأيى الشخصى ونحن فى بلد ديمقراطى يشجع الديكتاتورية ....... اقصد حرية الراى
عيد (مبارك)