أحــــلـــى بــيــطـــرى

ملتقى طلاب كليه الطب البيطرى جامعه كفر الشيخ
 
الرئيسيةwww.a7lavet.ahlمكتبة الصورس .و .جبحـثالمجموعاتالتسجيلدخول

شاطر | 
 

 ...::: الصدفه :::...

اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
H & SAM
عضو ممتاز
عضو ممتاز
avatar


مُساهمةموضوع: ...::: الصدفه :::...   الأحد يوليو 25, 2010 12:27 am



https://www.youtube.com/watch?v=XMbvcp480Y4


فى صدفه ؟

انا فكرت انى اعمل موضوع نتناقش فيه فى حاجه مفيده
فكرت فى حاجه يارب لو حد هايتكلم معايا فيها يقدر يستفاد منها فى حياته

وهيا سبب وجودنا
لو فكرنا شويه فى ادق التفاصيل اللى بتحصل
لو فكرنا شويه فى الجمله اللى ربنا قالها
انه لا يظلم مثقال ذره
وكمان قال ان ليس بظلام للعباد
نلاحظ ان ربنا شمل كلمه الظلم كلها
عشان يعرفنا ان ويعرف البشريه ان ادق التفاصيل بتفرق

على فكره انا مش قصدى اكتب موضوع دينى لانى مش متخصص فى الجانب ده
بس لو فكرنا شوبه هنلاقى ان تقريبا اقصى مراحل التفكير واقصى درجات الذكاء اللى الواحد بيوصل ليها فى التفقكير
بتبقى موجوده ببساطه جدا فى كلام ربنا
لان هوا اللى خالقنا وفاهمنا
فتقريبا كده انا بختصر المسافه

المهم
دلوقتى لو افترضنا اننا هانرجع بالزمن مليون سنه
فى نظريه معروفه اسمها
BUTTERFLY
او نظريه العشوائيه
وهيا اننا لو حركنا طوبه من مكانها او موتنا فراشه مثلا
ممكن التغيير اللى هايحصل من الخطأ ده ينتج عنه ان سلاله كمن الكائنات ماتجيش الدنيا اصلا
او هاينتج عنه دمار رهيب فى وقتنا
ولو حد مش فاهم الموضوع يقول
بس بيتهألى هو مفهوم لينا ازاى ده بيحصل
طب لو رجعنا تانى لوقتنا ده
معنى كده ان قشره اللب اللى انا برميها
ربنا هايحسبنى عليها لان انا مش عارف انا اتسببت فى ايه بالغلطه دى
انما ربنا عارف
ممكن مثلا اقضى بيها على عالم النمل او عالم الفلولو
مافى اكيد عوالم كتيير احنا مش عارفينها
او هاضر بيها عالم الجن مثلا
او اى حاجه المهم ان مفيش حاجه صدفه
يعنى من غيرى مكنش هايبقى فى قشره لب مرميه على الكون وبيا بقى فى قشره لب مرميه


على فكره انا اتكلمت عن مثال اللب العظيم ده لانى باكل لب دلوقتى ولب سورى كمان
المهم
لو فكرنا برده شويه هنلاقى ان حياتنا نفسها
عباره عن فيلم طويل بالنسبالنا لاننا تفكيرنا ضيق بالنسبه للحقيقه
يعنى اللى بيحصلنا فى الدنيا هو بالضبط اللى بيحصل فى افلام السينما
الممثلين بيمثلو دور لمده ساعتين من يومهم وبعد كده كل واحد بيرجع لحياته الحقيقه
يعنى الساعتين دول مايتقدروش بنسبه تذكر بالنسبه ليومه ولحياته
يعنى لو افترضنا انه الانسان الطبيعى بيعيش مثلا 80 سنه وانا كده متوصى بيه اوى يعنى
يعنى بيعيش 700800 ساعه



لو لاحظنا هنقلاى اننا عرفنا نحسبها
لو تخيلو بقا ان دنيتنا اللى احنا عايشنها دى لاتذكر بالنسبه للحياه الحقيقه اللى هيا بعد مادورنا فى فيلم الحياه يخلص

وعلاقه ده بعنوان الموضوع
ان طب مدام الدنيا تافهه اوى كده بالنسبه للحقيقه
طب احنا جينا ليه؟
السؤال ده لو فكرنا فيه
هنلاقى ان ربنا موزع كل لكل واحد دور مخصص ليه
وسيناريو مخصص ليه ... واهم حاجه
اختبار مخصص جدا ليه
دور بكل تفاصيله .. بكل تفاصيل شعرايه فى شعره
هيا متخصصه ليه
مفيش حاجه صدفه

ربنا اصلا لما بيكلمنا عن طريق الكتاب المعجزه
القران
بيكلمنا بصيغه الماضى
يعنى بيحكيلنا عن الفيلم واللى هايحصل فيه وتسليم الجوايز والجنه والنار وادالنا بعض تفاصيل على قد مستوى تفكيرنا
عن جزء من الحقيقه
جزء بسيط اوى
لان اساس الاختبار اصلا
فى انه العلم بالغيب

وانا قصد كلامى مش معناه ان الواحد يزهد فى الحياه
واللى يفهم كده
يبقى هوا حر بقى

المفروض ان الواحد يتصرف صح وخلاص
يتصرف صح على قدر مايقدر وياخد باله من الاساسيات
يعنى مثلا الاب والام
لو فى موضوع اختلفنا معاهم فيه
واحنا اللى صح وهما اللى الغلط
الاساس هنا اللى ربنا قالنا عليه
انى اسمع كلامهم

فالمناقشه اهم حاجه فى الدنيا مع كل الناس بس فى شواذ للموضوع ده
وهيا مع الاب والام بالذات وهيا ان فى اللحظه الى احس فيها ان مناقشتى دى ضايقتهم
انفذ كلامهم بطريقه تريحهم الى حد ما
وبرده اتناقش معاهم بس بعد ماريحهم
ساعتها هلاقى ان ربنا فتحلى سكه تانيه انا مكنتش شايفها لانى فكرت وجيت على نفسى عشان انفذ كلامه
لانه ليه حكمه فى كده لان ده كله فيه تقويم للنفس

معظم العبادات اصلا بتناقش تقويم النفس
يعنى الصلاه وحركاتها اللى كتير بيكسل يعملها والصوم ان يبقى قدامى الاكل وعاوز اكل واشرب مثلا
او فى الصيف اللى جاى ومعاناه البيبسى

يعنى ايام الهجره مثلا مكنش فيه بيبسى
دلوقتى وجود تلاجه بيبسى والواحد ماشى فى الشارع فى رمضان قبل المغرب بساعه
دا فى حد ذاته من اعظم الاختبارات اللى الكائن البشرى فى العصلا الحديث بيواجهها

حتى الزكاه وانى ادى لواحد فلوس من بتاعتى
كلها تقويم للنفس عشان نرقى بيها


بس المهم ان كل واحد يتصرف من قلبه
مش يمثل وطبعا مثال الفيلم اللى انا اتكلمت عنه
اكيد مفهوم قصدى منه ايه

..
دا شويه من اللى فى دماغى دلوقتى ولو حد عنده كلام نتاقش فيه فى الموضوع ده او اى موضوع يتفضل
ولو جه فى دماغى كلام برده فى الموضوع ده هابقا اكتبه

وانا هاقوم بقا دلوقتى لان بصراحه اللب خلص

:::::::
سلامو عليكوا






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no way
عضو ممتاز
عضو ممتاز



مُساهمةموضوع: رد: ...::: الصدفه :::...   الأحد يوليو 25, 2010 8:50 pm

Laughing Laughing لب وببسى طب اوكى Laughing Laughing Laughing

المهم

كلام جامد جدا بجد ووضحته بطريقه سهله اوى

ممكن اكمل انا ؟king

من وجهه نظرى يعنى ان تكمله لكلامك هو كلمه
اليقين

يقينا بربنا فعلا ان مفيش حاجه بتحصل سواء انت شوفتها خير اوشر الا وبيكون ليها هدف ووراها خير

وبقول كلمه شوفتها دى لان مش دايما انت بتكون شايف صح ممكن تحصل حاجه تفتكرها وحشه وهى خير

يمكن بيها ربنا منع اذى اكبر كان هيحصل او منع غلط منك يعنى بيكون الحدث تصحيح لشر او بدايه لخير

بس المهم نفكر صح

وبردوا كلامى عن اليقين مش كلام عن الدين لاكن من المسلمات يعنى زى شروق الشمس كده

والرسول (صلى الله عليه وسلم ) قال فيما معناه بشروا ولا تنفروا


انا مش عارفه اعلق على ايه خاصه يعنى

لاكن عجبنى حاجات كتير منها



المفروض ان الواحد يتصرف صح وخلاص
يتصرف صح على قدر مايقدر وياخد باله من الاساسيات


بس اهم حاجه بلاش نعند مع نفسنا فى ناس عمرها ما تعترف بغلطها ابدا
لازم نواجهه نفسنا بغلطنا عشان نقدر نصححه ونطور من نفسنا
وهى دى القوه بجد




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
H & SAM
عضو ممتاز
عضو ممتاز
avatar


مُساهمةموضوع: رد: ...::: الصدفه :::...   الإثنين يوليو 26, 2010 2:29 pm


https://www.youtube.com/watch?v=NFpA_UFk3ok&feature=PlayList&p=C61DE1114B8A4EBF&playnext=1&index=21

برافو س_ س


اكمل انا بقا على الجزء الاول من ردك

فكره اليقين مرتبطه بفكره الايمان
ايمان ان فى خالق متحكم فى كل حاجه . الخالق ده هوا اللى مقسم السناريوهات على الخلق
واليقين بينتج من ايمان الواحد بعدل ربنا فى تسييره للامور
وهنا لازم نفرق كويس بين التوكل على الله والتواكل على الله

يعنى لو انا اتصرفت صح على قد ماقدر لازم يكون عندى يقين ان كل الاحداث اللى بتحصلى اكيد خير ليا
سواء خير انا قادر اشوفه دلوقتى او خير بعدين او حتى خير فى الاخره
ويوم القيامه ربنا هايكلم كل واحد لوحده وهايفهمه كل الادعيه اللى كان بيدعيها
ازاى استجاب ليها وازاى نجاه بيها من كذا وكذا
وازاى وفرلنا منها ليوم القيامه
لدرجه اننا هانتمنى ان كل الادعيه كانت تتوفرلنا ليوم القيامه
لان ربنا قال ادعونى استجب لكم
هايستجب ان شاء الله
مقلش ادعونى كويس استجب

...
هافترض سيناريو كده
طبعا معروف ان كل واحد بيروح لقدره برجله

لو افترضنا ان واحد ماشى فى شارع وعمل حاجات كويسه مثلا زى ساعد واحد غلبان
او حتى عامله بأدميه لانى بلاحظ ان لما واحد بينفض لواحد غلبان بيقوله ربنا يسهلك بطريقه مبرمجه شويه
يعنى دا على اساس ان الكلمه الطيبه صدقه
طبعا الكلمه الطيبه صدقه بس اكيد لازم تكون من القلب يعنى لازم احسس الغلبان ده انى محترمه شويه
المهم
نرجع بقا للسيناريو
وانا ماشى اتعاملت مع كل اللى يقابلنى بحسن خلق او ادميه
واتعطلت مثلا ربع ساعه عن الزمن الطبيعى اللى كنت هامشى فيه فى الشارع ده
فوصلت متأخر على البيت ربع ساعه
...
المشهد خلص
......
الدروس المستفاده بقا
ان المشهد قدامى كده لكن عند ربنا الصوره كامله واهم حاجه انى مش عارفها ولا هاعرفها غير لما اموت
لاننا هايبقى بصرنا حديد
دى الاحداث اللى حصلت قدامنا لكن الباقى معرفوش
بس المعروف بقا
ان اكيد الربع ساعه دى فيها خير وممكن لو كنت جيت الربع ساعه بدرى دى اللى انا شايفها عطله
كان حصل كوارث او مشاكل بسيطه او سمعت كلمه معجبتنيش او اى حاجه
المهم انى لازم ابقى فاهم ان الزمن ببأيد ربنا
وربنا قال انا الدهر

وطبعا الكلام ده مختلفش عن كلام س س
بس هيا دى المناقشه اللى بتكلم عليها
ان واحد يتكلم فى موضوع والتانى يكمل يقوم التانى يجيب فكره فى دماغ التالت وهكذا




:::::::::::::

بس اهم حاجه بلاش نعند مع نفسنا فى ناس عمرها ما تعترف بغلطها ابدا
لازم نواجهه نفسنا بغلطنا عشان نقدر نصححه ونطور من نفسنا
وهى دى القوه بجد



ازاى بقا نقدر نواجه نفسنا بغلطنا
اهى دى لوحدها محتاجه معجزه مع البيئه اللى احنا موجودين فيها دى
لان كل واحد بيسمع نفسه اكتر مابيسمع اللى قدامه
ازاى حد ممكن يصلح نفسه لوحده
طب ما اصلا النفس دى عاوزه ليا كل خير وكل حاجه حلوه بس لفتره لحظيه بس
يعنى نفسى بتحبنى انا بس بمنتهى الانانيه
وبسام امبارح قالى على حاجه حلوه اوى
يعنى لو واحد بيتكلم مع مامته فى موضوع ومامته نرفزته
ممكن يتعصب شويه فى كلامى ويتكلم بأسلوب فى زعيق شويه
طب ليه زعقت؟
ماهو اكيد الزعيق ده اصلا لو بفكر صح هايضرنى انا فى كل حاجه
بس نفسى بتقولى ازاى هيا بتزعقلك كده
ماينفعش تسكت
مخلتكش تشوف الاضرار بان الزعيق ده مش كويس لا ليك
وليا ليها ولا للموضوع ولا قدام ربنا
خلتك بس تدافع عن كرامتك لانها بتحبك انت بس مهما كنت ممكن تضر كل اللى حواليك
نفسك ااقرب صديق واكبر عدو
عشان كده نلاحظ ان تقريبا كل مجرمين العالم لما بنواجهم باللى عملوه
بيبقا دايما عندهم مبرر
لان نفسهم بررتلهم تصرفاتهم
محدش فيهم شايف نفسه غلطان حتى لو العالم كله اقنعهم بكده
لازم نفسك تلاقيلك مبرر والمبرر ده بيكون على قد مستوى ذكائك
يعنى ذكاء الواحد المبالغ فيه ممكن يكون مصيبه للواحد لان ممكن يستخدمه فى تبرير افعاله بينه وبين نفسه

عشان كده لازم الواحد يعرف غلطه عن طريق نفسه وعن طريق اللى حواليه ويحط نفسه مكان اللى قدامه فى كل حاجه
فى تصرفاته قدامه
فى رد فعله من الكلمه اللى قلتهاله واحساسه لما قلتله الكلمه دى
ولو حد اتكلم معايا .. لازم اسمع كويس
مش اجادل لمجرد الجدال
لان فى فرق بين الجدال والمناقشه
وفى مثال كده ان لو واحد قدامه كوبايه خمره ومعاه كوبايه ميه
عشان يحط الميه فى الكوبايبه لازم يفضى الخمره من الكوبايه الاول
فلازم الواحد عشان يفضى يقدر يصلح نفسه من عيوبه
يفضى دماغه من البتنجان اللى فيها الاول ويهيىء نفسه للتغيير
عشان يكون تغيير بجد
وممكن يعمل الحاجه دى كل يوم
ودى محاسبه النفس
وبالنسبه لموضوع محاسبه النفس انا عندى فكره كده هاقولها فى الحلقه الجايه ان شاء الله

واللى بيعترف بغلطه هو ده الانسان القوى وقوته بتكون فى سرعته
انه اول ما يغلط يقول على طول
ملوش لازمه انا يكابر لانه بكبره ده هيضيع منه حاجات كتير وهايندم على حاجات كتير
:::::::::::::::

جميل الرد س س لان فيه تفكير وبالذات الجزء الاخير





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no way
عضو ممتاز
عضو ممتاز



مُساهمةموضوع: رد: ...::: الصدفه :::...   الإثنين يوليو 26, 2010 2:40 pm

هايل بجد والله

واليقين بينتج من ايمان الواحد بعدل ربنا فى تسييره للامور
وهنا لازم نفرق كويس بين التوكل على الله والتواكل على الله


انا لسه مكملتش قرايه للموضوع لاكن بالذات دى شدتنى لان ده اللى عايزه اقوله بالظبط

على فكره تفكيرك منظم والاسلوب سهل اوى هكمل بقى وارد رد كامل
study study
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no way
عضو ممتاز
عضو ممتاز



مُساهمةموضوع: رد: ...::: الصدفه :::...   الإثنين يوليو 26, 2010 6:27 pm



study study study

ازاى بقا نقدر نواجه نفسنا بغلطنا
اهى دى لوحدها محتاجه معجزه مع البيئه اللى احنا موجودين فيها دى
لان كل واحد بيسمع نفسه اكتر مابيسمع اللى قدامه
ازاى حد ممكن يصلح نفسه لوحده



زى ما قولت بالظبط وهقول على طريقتى انا يمكن اكون غلط او صح وهعرف لما نتناقش كلنا
يمكن فى الاول لما يحصل موقف مش عارفه بيتصرف وقتها من غير ما اعرف السبب لكن بعدها بشرك ناس معايا
واشوف انا غلطت ولا ايه وبعدين افكر كده مع نفسى فى كلامى وكلامهم واشوف
عارفين بيطلع ايه؟ والله بيطلع لا رأى انا ولا {أيهم هو الصح بيكون حل جامع للاتنين يعنى هما كمان بيستفيدوا
من غلطى ده وهى دى اهميه المناقشه

على فكره انا معاك فى مثال الغلبان ده اوى وخاصه لو طفل لازم نرحم
احيانا بيتهيألى ان كتير فينا ومننا قلبهم متجمد لو اى حد حس فى نفسه كده
يعرف انه فى الفتره دى بعد عن ربنا يا جماعه ولما يعرف ده هو هيلاقى الطريق اللى يساعده
يرجع تانى وده مش عيب كلنا بنتوه وبنرجع Smile

يا ريت لو نناقش كلمه الخوف pirat





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no way
عضو ممتاز
عضو ممتاز



مُساهمةموضوع: رد: ...::: الصدفه :::...   الإثنين يوليو 26, 2010 9:23 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
H & SAM
عضو ممتاز
عضو ممتاز
avatar


مُساهمةموضوع: رد: ...::: الصدفه :::...   الثلاثاء يوليو 27, 2010 12:22 am

عارفين بيطلع ايه؟ والله بيطلع لا رأى انا ولا {أيهم هو الصح بيكون حل جامع للاتنين يعنى هما كمان بيستفيدوا
من غلطى ده وهى دى اهميه المناقشه

برافو بجد
لو كل واحد اتكلم عن فكرته من منظور ان دى وجهه نظره اللى ممكن يكون يها غلط
واللى اكيد فيها نسبه غلط ولو حتى بسيطه اوى
والطرف التانى عرض برده فكرته وبعدها الاتنين اتناقشوا فى الفكرتين على انهم حتى افكار ناس تانيه
هايحصل اللى انتى قلتى عليه بالضبط

AWESOME


:::::::::




الخوف


رأيى ان الخوف بيجى من ضعف الايمان والجهل
لانى لو جاهل بالحاجه هخاف منها لانى هافترض اصعب الاشكال ليها
مع ان ممكن الحقيقه تبقى ابسط بكتير
وضعف الايمان بيؤدى للخوف
لان مفيش اساس اصلا يقف عليه يأمنه
ومدام مفيش اساس هايبقا الخوف فى كل حاجه

وصديق الخوف الجبن
والجبن بيضر الشخص نفسه قبل مايضر الناس التانيه
لانه بيخليه مبيقدرش يواجه نفسه بنفسه
لانه بيكون مكسوف منها
وبيبرر لنفسه تصرفاته الجبانه
...
ده بالنسبه للخوف العام يعنى
انما بقا فى خوف تانى
اسمه
THe EGYPTiAN FeAR

وده خوف احنا اللى مخترعينه
الخوف من اى تغيير
ومثل اللى تعرفه احسن من اللى متعرفوش

ازاى اصلا اللى اعرفه احسن م اللى معرفوش
يعنى دى نظريه مسلم بيها مثلا ولا دا ايه بالضبط
ازاى اصلا الاجيال القديمه بأفكارها مصممه ان الاجيال التانيه تبقى نسخه منها
وزمن الفن الجميل
يعنى ايه زمن الفن الجميل

احمد العسيلى اتكلم عن الموضوع ده بصوره حلوه جدا
لما قال ان لو عاجبكوا الزمن الجميل
طب ماهو عندكوا متسجل كل اسمعوه ومتقرفوناش
وبعدين ماهو كان لازم يبقى جميل لان الليله كلها كان عشر مغنيين
ماهو لازم يبقوا كلهم حلويين
انما دلوقتى فى 13 مليون مغنى فى مصر بس
و32 مليون ممثل
و65 مليون مخرج
لازم يبقى فى الحلو والوحش
بس اللى اكيد بقا ان اكيد دلوقتى فى حاجات برقبه زمان لان طبيعه التجديد بتكون للاحسن
ولو حتى النسبه واحد فى الميه
بس فى نسبه اهو


خوف التعيير ده فى رأيى اكبر خوف عندنا
لانه خوف غبى
وده كان السبب الاساسى فى عدم تصديق كل الاقوام للانبياء اللى بتجيلهم من ربنا
لانهم كاوا بيعبدوا بطريقه ابائهم ورافضين التغيير
عشان خايفين منه
وعشان اللى تعرفه احسن م اللى متعرفوش
واكفى القدره على فومها تطلع البت لامها
والمودلسه فيييييييييييين

بصراحه الموضوع ده بينرفزنى جدا فانا بحاول اطلع من الموضوع شويه بس فيه كلام كتييييييير جدا فيه
هاكمله فى الرد التانى بقا


وعلى فكره انا عاجبنى جدا اسلوب المناقشه ده وكل واحد يقول فكره والتانى يرد
دا كان غرضى الاساسى اصلا من الوضوع

وعلى فكره لو فضل الموضوع عليا انا و س س وبسام بس لانه اكيد هايشارك قريب
حلو جدا برده
لان لو اتنين تلاته قدروا يفيدوا بعض
احسن ميكون 50 واحده كل واحد فيهم بيتكلم ويغنى على التانى وخلاص


وطبعا كل اللى انا بتكلم فيه من اول الموضوع خالص
هوا رأيى الشخصى بس
اللى زى ماقلنا ممكن يحتمل نسبه الغلط
يعنى ممكن اغيره فى ثانيه لو اقتنعت برأى تانى

::::::::::::

وبالنسبه للفكره بتاع حساب النفس
فكرت انى لو خدت معايا بلوك نوت كده فى جيبى وكتبت فيها اى حاجه حلوه بعملها وكمان اى حاجه وحشه بعملها فى اليوم
وبعدين روحت كتبتها فى اجنده كبير كده
والكتابه تكون عباره عن
POINTS
ومثلا الحاجه الحلوه بلون ازرق والوحشه بلون احمر
وبعدين احط الاجنده دى فى صندوق كده ويكون معايا انا بس مفتاحه
لان دى حاجاه بين والواحد وربنا بس
مينفعش يدخل حد تانى فيها والا هايكون تظاهر بالحسنات
ورياء

وفى اخر كل اسبوع ابص كده على الاجنده واشوف نسبه ايه الاكتر الاحمر ولا الازرق
ولو حتى من غير ماقرى من شكل الورقه هاشوف ايه اللون الاغلب
هابقى عارف انا اسبوعى الغالب عليه ايه
وبأذن الله هاقدر اقيم نفسى كويس



https://www.youtube.com/watch?v=w8LL1x6J2rU
......

المره الجايه بقا اكمل كلامى عن موضوع الخوف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
H & SAM
عضو ممتاز
عضو ممتاز
avatar


مُساهمةموضوع: رد: ...::: الصدفه :::...   الثلاثاء يوليو 27, 2010 12:52 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no way
عضو ممتاز
عضو ممتاز



مُساهمةموضوع: رد: ...::: الصدفه :::...   الثلاثاء يوليو 27, 2010 7:37 am

لا طب استنى شويه كده نتفاهم بالراحه
واضح انك بتكره الخوف او مستفز منه اوى
بس نتفاهم كده بالراحه
كل واحد فينا ليه اكيد حاجه بتخوفه صح؟
انا هناقش نوع تانى من الخوف اللى كان فى بالى يعنى
كل واخد فينا ليه حاجه تخوفه دايما اكتر من الحاجات التانيه وده باختلاف الاشخاص يعنى
يعنى مثلا فى واحد بيخاف اوى انه يغلط فى حق نفسه او فى حق الناس
ده الطبيعى او المفروض يعنى لاكن ده خوفه زياده شويتين
تلاقيه دايما خايف متردد وتايه فى دوامه العقاب
يعنى يفضل فاكر غلطه كويس اوى ويعاقب نفسه بس للاسف
بيعاقب ناس تانيه ملهاش ذنب معاه
افرض الحد ده مش عارف يوصل لحل وسط
يعنى لو نسى غلطه ممكن يكرره ولو فضل فاكره يفضل بردوا خايف
يبقى ايه الحل؟؟؟؟؟؟؟؟؟؟؟؟؟؟؟؟؟؟؟؟
مصحه بقى ولا ايه ؟ rendeer rendeer rendeer يالا هعتبر دى علامه جنون وخلاص بقى




بصراحه الموضوع ده بينرفزنى جدا فانا بحاول اطلع من الموضوع شويه بس فيه كلام كتييييييير جدا فيه
هاكمله فى الرد التانى بقا


ههههههههههههههههههههههههههههههههه على فكره واضح اوى انه مضايقك
انا اسفه اوى نرفزتك وانا مش قاصده Smile Smile خلاص خلاص امشى يا خوف امشى Laughing Laughing

انا معاك فى فكره حساب النفس وهنفذها ان شاء الله Very Happy

( بقول ايه متضايقش من حد لو حسيت انه خايف او على رأيك جبان يمكن ليه سبب)
كلنا فينا نقط ضعف بشئ من التعديل ليها تبقى نقطه قوه صح ولا ايه؟؟ Smile Smile

انا اسفه لو ضايقتك ممكن نتكلم فى موضوع تانى لو تحب king

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
H & SAM
عضو ممتاز
عضو ممتاز
avatar


مُساهمةموضوع: رد: ...::: الصدفه :::...   الثلاثاء يوليو 27, 2010 1:58 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
H & SAM
عضو ممتاز
عضو ممتاز
avatar


مُساهمةموضوع: رد: ...::: الصدفه :::...   الثلاثاء يوليو 27, 2010 2:38 pm

على فكره انا لو قلت انى بتنرفز من الخوف
ابقى انسان بحب المنظره


هو المعلم باعتلنا فانتام ولا ايه


اى انسان بيخاف لان الانسان اصلا خلق هلوعا
واللى مبيخفش خالص دا يبقى اصل الجهل
بس انا كان قصدى الخوف اللى من غير ايمان
واللى بينرفزنى الموضوع اللى ندخلت فيه بتاع التقاليد المصريه المستفزه
مش موضوع الخوف خالص
ماتمشيش يا خوف







واحد بيخاف اوى انه يغلط فى حق نفسه او فى حق الناس
ده الطبيعى او المفروض يعنى لاكن ده خوفه زياده شويتين
تلاقيه دايما خايف متردد وتايه فى دوامه العقاب
يعنى يفضل فاكر غلطه كويس اوى ويعاقب نفسه بس للاسف
بيعاقب ناس تانيه ملهاش ذنب معاه
افرض الحد ده مش عارف يوصل لحل وسط
يعنى لو نسى غلطه ممكن يكرره ولو فضل فاكره يفضل بردوا خايف
يبقى ايه الحل؟؟؟؟؟؟؟؟؟؟؟؟؟؟؟؟؟؟؟؟


انا رأيى ان النوع ده م الخوف
ربنا بيحاسب الواحد عليه
دا كفايه انك بتخاف تغضبه وبتخاف تزعل الناس اللى هوا خالهم وبتخاف انك تغلط فى نفسك اللى هو خالقها
ولو انا حريص على الموضوع ده ومشيت فى الطريق ده مثلا ربع المسافه
اكيد ربنا يسهلى باقى الطريق وهايخلينى اعمل الصح من غير ماقصد
وده على قد حرصى على عمل الصح
بس حته انه يعاقب ناس تانيه ملهاش ذنب دا بس اللى مش صح
لان المفروض العكس هو اللى يحصل
لانى الطبيعى انىافترض حسن النوايا لحد مايثبت العكس
والنبى اوصى الواحد انه يكون فطن
فأزاى اظلم حد كده
ولو الحد ده مقدرش يوصل لحل وسط
تبقى المواجهه هيا احسن حاجه
لان الطرف التانى اكيد هايقدر الصراحه والوضوح
وهايقدر برده انه كان خايف يزعله
وده المهم


( بقول ايه متضايقش من حد لو حسيت انه خايف او على رأيك جبان يمكن ليه سبب)
كلنا فينا نقط ضعف بشئ من التعديل ليها تبقى نقطه قوه صح ولا ايه؟؟ Smile Smile


صح

أرقى حاجه للانسان هو التغيير


وعلى فكره موضوع الخوف ده موضوع جامد جدا الكلام فيه
وبليل هابقا اكمل كلامى فيه لانى عندى كلام كتير عنه
وعن انواع الخوف الحلوه والوحشه والمستفزه
والخوف اللى ممكن يخلى الواحد يندم طول عمره لانه بيضيع منه حاجات حلوه كتير
او اهم حاجات فى حياته



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصفورة الشرق
عضو جديد
عضو جديد
avatar


مُساهمةموضوع: رد: ...::: الصدفه :::...   الثلاثاء يوليو 27, 2010 8:11 pm

الخوف فعلا شيء مستفز يا دكتور ، بس لو انت عارف ان الشخص اللي خابف فعلا عنده عذره زي ما بتقول.
حتى لو بيعاقب نفسه على غلطة سابقة.ده مش وحش.لآنه معناه ان عنده ضمير واحساس. وخايف يسيء ولو من غير قصد لغيره
صح
وده في حد ذاته كويس.لكن بالمظبوط.
لكن مش من حقنا نحاسب حد او نتهمه بشيء من غير ما نسأل احنا عملنا ايه عشان نساعده.
لو اللي بيخاف ده اتحط في سكتنا صصدفة.
مافيش شيء اسمه صدفة. ده قدر .
ممكن ببساطة نتجاهله ونكمل عادي.او ممكن نتععب نفسنا ونصبر عليه.
مش عارفة كل الناس هتعمل ايه في موقف زي ده
لكن اللي انا عارفاه نفسي
لو الانسان ده عزيز عليا فعلا ....أكيد هيستاهل صبري ووقفي جنبه ولو لآخر عمري.

ولازم زي ما هحاسبه .أسأل نفسي انا عملت ايه اطمنه بيه.

زي ما في شرق في غرب .....مش بس للتنافر والتعاكس.
لكن لحفظ الموازين في الحياة.
واحنا اللي بنختار في النهاية ..يعني ما فيش فرض...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصفورة الشرق
عضو جديد
عضو جديد
avatar


مُساهمةموضوع: رد: ...::: الصدفه :::...   الثلاثاء يوليو 27, 2010 8:24 pm

معلشي انا ما قدرتش اقرا الموضوع كله بس لميت الفكرة على أد ما قدرت
هو موضوع جميل قوي
واختلاف الرأي هو اللي أبرز جماله بجد
وأول مرة أقدر قيمة اللب فعلا.
بس انا عايزة اقول
الموضوع كان يبقى أكمل لو كان اسمه القدر بدل الصدفة.

ربنا سبحانه وتعالى خلق البشر عالم بنفوسهم وهم لا .
عارف هفكر تزاي وهعمل ايه وهختار كمان ايه ....لكنه برضه ما ظلمنيش اداني صفحة بيضا وعمر هو القلم وتصرفات هي حبري . وقال لي اكتبي كل اللي تحبيه.
القدر في النهاية مش اكتر من مجموعة تباديل وتوافيق لو اخترت امشي في شارع معين هشوف شيء معين. لكن لو مشيت في واحد تاني هقابل حد تاني.
المهم اني يكون عندي القدرة اني افهم ده.
انا دايما بقول ان الشخص العاقل لازم يدرك ان اللي جوا الصورة عمره ما بيشوفها كاملة.
فيبقى لازم اخرج نفسي منها عشان اشوفها كاملة.
القدر بيسيب لنا في النهاية فتافيت العيش لو جمعتها صح ممكن تتوقع اللي جاي.
وكل ده طبعا مش هيجي غير من نفس قوية مؤمنة .


وشكرا بجد ع الموضوع ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no way
عضو ممتاز
عضو ممتاز



مُساهمةموضوع: رد: ...::: الصدفه :::...   الثلاثاء يوليو 27, 2010 9:29 pm

Laughing Laughing Laughing Laughing طب من غير مؤاخذه يعنى ولا نرفزه احنا عادى ها بنتناقش

مش هتوصل لكرسى يتحدف عليا دلوقتى اانا مش ناقصه يعنى Laughing Laughing

افرض ان الطرفين من جواهم عايزيين يواجهم لاكن كل طرف خايف ( من غير نرفزه يعنى انا مش قصدى والله Laughing )

افرض حد فيهم مش بايده مواجهه لظروف معينه يعنى

جائنا الان البيان التالى

تعقيبا على ماجاء فى رد عصفور الشرق Laughing Laughing

ده والله كلالام زى الفل


زي ما في شرق في غرب .....مش بس للتنافر والتعاكس.
لكن لحفظ الموازين في الحياة.
واحنا اللي بنختار في النهاية ..يعني ما فيش فرض...


لو الانسان ده عزيز عليا فعلا ....أكيد هيستاهل صبري ووقفي جنبه ولو لآخر عمري

عندك حق يا عصفور Very Happy Very Happy

Very Happy Very Happy بس انا مختلفه معاكى فى حاجه كده يعنى ويا تقنعينى او اقنعك
كلامك عن موضوع القدر ده



عارف هفكر ازاي وهعمل ايه وهختار كمان ايه ....لكنه برضه ما ظلمنيش اداني صفحة بيضا وعمر هو القلم وتصرفات هي حبري . وقال لي اكتبي كل اللي تحبيه.
القدر في النهاية مش اكتر من مجموعة تباديل وتوافيق لو اخترت امشي في شارع معين هشوف شيء معين. لكن لو مشيت في واحد تاني هقابل حد تاني.


..

.
..
.....

.. ده كلامك بس مش عارفه انا لياا يعنى وجهه نظر وناقشيينى بردوا وادخلوا قولوا رايكم يا جماعه يالا


طبعا ربنا عارف مين بيفكر فى ايه وهيعمل ايه كمان
بس اللى احنا مختلفين فيه ان التصرفات دى مش صفحه بيضه واحنا هنملاها
ربنا عارف كل واحد هيعمل ايه و بيفكر ازاى وعلمنا الصح من الغلط والحرام والحلال
مع علمه كل واحد فينا هيعمل ايه بالظبط يعنى الانسان بيختار طريقه بس ربنا اعلم بالنوايا عارف كل ذره فيه بتقول ايه
يعنى ربنا لو حط فى طريقى حاجه يبقى فى حكمه من ده
لو عملت تصرف مش فهماه فى وقته يبقى بردوا فى حكمه من ده
وربنا قدر ده لسبب
انما انا مش مقتنعه ان ربنا حط الحاجه دى فى طريقى وانا بقى حره اتصرف واكتب النهايه على مزاجى

انا بجد مش عارفه اشرح او كلامى ملخبط اوى بس يا ريت يا جماعه اللى فاهم كلامى وكلام عصفور الشرق
يدخل يفهمنى اى حاجه احسن انا تهت خالص من كلامى وكلامها
وانا نفسى معدتش فاهمه اى حاجه من كلامى انا شخصيا Laughing Laughing Laughing Laughing Laughing

والله صدعت ودماغى هنجت خالص
بردوا اا نا معاكى ان الموضوع تحفه ومهم جدا بجد santa ها اى خدمه بقى ؟؟؟
ابقى تعالى انتى مبتجيش ليه ؟؟؟ Laughing Laughing Laughing Laughing

لا بجد كلامك حلو اوى وعن تفكير جامد جدا يا ريت تشتركى معانا علطول Very Happy Very Happy
اما عنى انا فانا بقى study study study
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no way
عضو ممتاز
عضو ممتاز



مُساهمةموضوع: رد: ...::: الصدفه :::...   الأربعاء يوليو 28, 2010 12:33 am

على فكره كلامك بيودينا لمفهوم تانى
هى كلمه حلوه اوى ( الرحمه )



لكن اللي انا عارفاه نفسي
لو الانسان ده عزيز عليا فعلا ....أكيد هيستاهل صبري ووقفي جنبه ولو لآخر عمري.

ولازم زي ما هحاسبه .أسأل نفسي انا عملت ايه اطمنه بيه


ممكن بعد ما نكمل موضوع الخوف ده نتكلم عن الرحمه؟؟؟
ليه الناس تقول انها بتحب بعض بس مش بيرحموا بعض؟؟
مش المفروض ان الرحمه دى جزء من كلمه الحب (بالمعنى العام يعنى )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ScareCrow
عضو ممتاز
عضو ممتاز
avatar


مُساهمةموضوع: رد: ...::: الصدفه :::...   الأربعاء يوليو 28, 2010 1:29 pm

انا طبعا استمتعت جدا بالحوار اللى دار ده واستفدت منه كتير اوى والواحد بدا يغير من طريقة تفكيره فى بعض الامور
وتعقيب بس صغير على عصفورة الشرق
ان الموضوع فعلا كلمة صدفة بالنسبة لى اسم جميل لان بعد كده الاستاذ هيثم وضح انه الموضوع مش صدفة فى مثال قشرة اللب يعنى الموضوع مقنن جيدا وقشرة اللب دى مش صدفة انها تترمى على الارض بل فيه سبب لرميها ومسبب وهو وضح انه كل ده من عند ربنا سبحانه وتعالى لانه زى ما قال قشرة اللب دى ربنا اراد انها تترمى فى المكان ده بالذات لانها هاتاثر على شيئ ما فى علم الغيب
يعنى فى الاخر هو وضح انه فيه حاجات ممكن نكون فاكرين انها صدفة لكن فى الحقيقة هى مقدرة من عند الخالق سبحانه وتعالى ..
وبجد بجد استفدت كتير اوى من الموضوع ده
Idea
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no way
عضو ممتاز
عضو ممتاز



مُساهمةموضوع: رد: ...::: الصدفه :::...   الأربعاء يوليو 28, 2010 9:43 pm



Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no way
عضو ممتاز
عضو ممتاز



مُساهمةموضوع: رد: ...::: الصدفه :::...   الخميس يوليو 29, 2010 3:14 am


هيثم

وعن انواع الخوف الحلوه والوحشه والمستفزه
والخوف اللى ممكن يخلى الواحد يندم طول عمره لانه بيضيع منه حاجات حلوه كتير
او اهم حاجات فى حياته

يا ريت فعلا ننقاش الموضوع ده لاكن كتير منا بغلطه او لحظه خاف فيها ممكن يكون ضيع حاجات حلوه من ايده
مش عارفه ده اسؤ انواع الخوف فى رأيى ويا ريت لو نقدر نغيره نلغيه خالص يبقى خوف ايجابى
Smile

بالنسبه لدكتور aaa

بالظبط كده فعلا ويا ريت حضرتك تتابع باقى الموضوعات اللى اتكلمنا فيها وتناقشنا


cheers cheers cheers cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
H & SAM
عضو ممتاز
عضو ممتاز
avatar


مُساهمةموضوع: رد: ...::: الصدفه :::...   الأحد أغسطس 01, 2010 12:41 pm

سورى على التأخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
H & SAM
عضو ممتاز
عضو ممتاز
avatar


مُساهمةموضوع: رد: ...::: الصدفه :::...   الأحد أغسطس 01, 2010 12:44 pm

اللى انا ملاحظه فى الردود
انها ردود ذكيه
وكلها جايه من تفكير
فأنا مبسوط انى كتيت موضوعى هنا

واللى كنت عايز اقوله فى نقطه عنوان الموضوع
انتوا قلتوه
..

بس برده مفيش تقريبا اختلاف فى وجهات النظر



يا ريت فعلا ننقاش الموضوع ده لاكن كتير منا بغلطه او لحظه خاف فيها ممكن يكون ضيع حاجات حلوه من ايده
مش عارفه ده اسؤ انواع الخوف فى رأيى ويا ريت لو نقدر نغيره نلغيه خالص يبقى خوف ايجابى
Smile



احنا عايشين عشان نغلط
بس الذكاء اننا نستفيد من الغلطات دى
ومدام ربنا مدينا فرصه الحياه يبقى اكيد فى هدف
ربنا فرغنا من حاجات كتير اوى
زى دوره حياتنا وتنااغم اجهزه الانسان
من غير اى دخل ليه
لو فكرنا شويه ان لو كنا احنا اللى بنتحكم فى الدوره الدمويه مثلا
او هضم الاكل ونقل الاشارات للمخ والعوالم اللى ملهاش نهايه اللى جوه كل انسان دى
كنا قضينا عمرنا كله عشان بس نقدر نعيش
انما ربنا اتكفل هو بكل حاجه عشان نتفرغ لسبب تانى اهم من كده
وما خلقت الجن والانس الا ليعبدون
والعباده فى حد ذاتها ممكن تبقى فى كل خطوه فى حياتنا
الايمان بينبع من علاقه الواحد مع ربنا
ممكن يومنا الطبيعى نخليه كله مع ربنا باختلاف بسيط نعمله فى حياتنا
وهيا اننا منشتغلش كويس مثلا عشان مديرى بيراقبنى
نفس الشغل لو اشتغلته عشان ربنا بيراقبنى
يبقى انا كده حققت الهدف اللى ربنا خلقنى عشانه


مره واحد راح للحسن البصرى وقاله انا بختم القران اكتر من مره فى الييله مش فاكر كام مره
قاله روح واتخيل انك بتقراه قدامى . فجاله تانى يوم وقاله ختمته مره واحده
فقاله تخيل انك بتقراه قدام سيدنا محمد عليه الصلاه والسلام
فجاله وقاله ختمت نصه
فقاله روح واقراه وتخيل ان ربنا هو اللى قدامك
فجاله تانى يوم وقاله مقدرتش اكمل ربعه

ففهم الرساله
واللى عمله الشيخ البصرى بعبقريته
انه بس لفت نظره لحاجه هو اصلا عارفها
بس كلنا بنهرب منها او مش واخدين بالنا منها
والغريب ان لما نتكلم مع اى حد يبقى رده طب ما اكيد ربنا معايا فى كل الاوقات واكيد براعى ربنا
بس اللى انا متاكد منه ان لازم كل واحد ياخد باله من حاجه كده
والحاجه دى هيا اللى حسن البصرى وضحها للراجل ده من غير مايكلمه
خلاه يفهمها بالتجربه العمليه

انا عارف ان كلامى ملوش اى علاقه برد بسؤال س س
بس هيا دايره مقفوله
مقفوله لان معروف بدايتها ونهايتها
ومقفوله لان الانسان مخير لما هو مسير له
لو كل واحد فكر ان المشاهد اللى بيعملها فى حياته دى هاتتكرر تانى قدام ربنا
لو فكر ان اللقطه اللى هو عايشها دى هاتتعاد تانى فعلا
هايعملها كويس
لازم يعملها كويس
..
وعشان ربنا مدينا فرصه
يبقى هو اللى خلانا نخاف فى اللحظه دى يا س س
عشان نتعلم منها ونقرر احنا هانعمل ايه بعدها
انا مش مؤمن ان فى ندم فى الدنيا
لان الندم الحقيقى هو لحظه ما الروح تسيب للجسم وتروح للعالم التانى
عالم البرزخ
لان العالم التانى مختلف عن عالمنا ده باننان مش مخيرين فيه
احنا بنتحاسب على اختبارنا فى حياتنا دى
ومفيش اى حد فينا يعرف لما يضيع حاجه حلوه من ايده
ان الحاجه اللى ضيعها دى فعلا حلوه ولا لا
بس المهم ان يقعد ويفكر هو بعد مخاف فى اللحظه دى
عمل ايه بعدها فى اللحظه اللى بعدها
ماهة عايش اهو
مابيعملش حاجه ليه
عشان مفيش اى حاجه فى ايده
يعنى هو متأكد ان مفيش اى حاجه فى ايده
انا شايف ان لو فعلا مفيش اى فرصه لتصليح الغلطه دى عشان اخد الحاجه الحلوه اللى انا ضيعتها دى
وكان كل تصرفاتى صح مع ربنا ومع اللى حواليا وطبعا مع نفسى
يبقى الاحتمالين اللى قدامى
ان الحاجه دى رغم انها حلوه يبقى كانت اكيد هاضرنى
او ان السيناريو اللى انا فيه من غير الحاجه دى هو اللى ربنا اختاره ليا
المخرج الاعظم هو اللى اختاره
يبقى هو الصح
والاحتمال التانى ان الحاجه دى انا شايفها حلوه بس هيا مش حلوه
وبكده انا حاسس اننا ممكن نكون حولنا الخوف لخوف ايجابى
بس اوحش حاجه فى الخوف ونتايجه
الندم
وانا مش هاندم غير ماكتشف انى معملتش اللى عليا
وان كان فى حاجات كان مفروض اعملها ومعملتهاش
عشان كده لازم اعمل اللى عليا
اعمل كل اللى عليا عشان نوصل لمرحله ان المفروض اصلا منندمش طول ماحنا عايشين
.......

الرحمه
صفه ربنانيه
تخيل لما الانسان يعيش ويحاول يتصرف اقتداءا بصفات الله
يحاول يتصرف بأسمى صفات وهيا صفات اسماء الله الحسنى

الموضوع ده فعلا رهيب ونفسى اتكلم فيه
هاقول رأيى وقت تانى فيه ان شاء الله عشان نازل البحر دلوقتى
وياريت نفكر ونتكلم فى الموضوع ده فعلا
وان شاء الله برده هابقى اكمل كلامى فى انواع الخوف من وجهه نظرى




::::::::::::::::::::::::::::::


عصفوره الشرق
روكى

اهلا بيكم فى الموضوع


https://www.youtube.com/watch?v=1fkuqIBr58Q
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
no way
عضو ممتاز
عضو ممتاز



مُساهمةموضوع: رد: ...::: الصدفه :::...   الأحد أغسطس 01, 2010 2:48 pm

انا عاده ببقى ناويه ارد على جزء معين فى الموضع
بس فعلا الكلام ده ميتسكتش عليه Laughing Laughing Laughing
ومش قصدى حاجه عشان الناس الظنانه اللى معانا يعنى Suspect
اقصد ان الكلام تحفه فعلا ولازم يترد عليه جزء بجزء


الايمان بينبع من علاقه الواحد مع ربنا
ممكن يومنا الطبيعى نخليه كله مع ربنا باختلاف بسيط نعمله فى حياتنا
وهيا اننا منشتغلش كويس مثلا عشان مديرى بيراقبنى
نفس الشغل لو اشتغلته عشان ربنا بيراقبنى
يبقى انا كده حققت الهدف اللى ربنا خلقنى عشانه


لالالالالالالالالالالالالالا والله احنا مش اد الكلام ده
Very Happy Very Happy Very Happy Very Happy Very Happy Very Happy Very Happy Very Happy Very Happy Very Happy
ومفروض ننحنى ليه احتراما بجد كلام تحفه وصادق جدا
بس عايزه اضيف حاجه صغيره كده
ان الفكره دى اللى هى اننا نعتبر كل تصرف لينا قدام ربنا وجها لوجه كده لانها طبعا فعلا قدامه
ان ده قادر يحلى كل حاجه بتعملها لانك لما تعمل شئ وتخلص ليه
اكيد احساس مختلف تماما عن انك تعمله كده من غير ما تكون حبه
واكيد هتكون متميز فيه Very Happy ويكون النتيجه النهائيه لشكلك كده برودا Very Happy
وكلامى ده عن تجربه مش قصدى الشكل طبعا Laughing لا كن قدصى موضوع انى اعمل الشئ وانا حباه



كمان عجبنى جداااااااااااااااااااااااا مثال الحسن البصرى
وفكرنى بحاجه تانيه كده هقولها دلوقتى بس اقول المثال القريب الاول منها
الحسن والحسين قبل كده شافوا واحد بيتوضا يعنى مش صح اوى او مش زى ما مفروض يعنى
قالوا يرشدوه ازاى بقى
عملوا ان فى خلاف بينهم وان راى كل واحد فيهم ان هو اللى بيتوضا احسن من التانى
وحكموا الراجل ده بينهم واتوضوا قدامه Smile
طريقه بجد جميله اوى ومن غير ما يحرجوه خالص Smile
يا ريت كلنا نفكر كده بردوا
هو احيانا والله بنعمل كده بس بردوا احيانا لا
المهم انا طبعا عارفه انها ملهاش علاقه اوى بالموضوع
بس قولتها لانى بلاحظها كتير فى تعاملنا مع بعض
وهو بردوا تصرف لازم تعبره بنفش طريقه التفكير
انك تنصح حد قدام ربنا هتكلمه ازاى؟؟؟وكمان مهم انك لما تنصحه تختار الوقت المناسب لده
مش تجي وهو مثلا سكران وتقوله كلامك لازم يكون واعى لكلامك ويقدره وقتها
وده بيعتمد على اختيار الوقت

وشكرا Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصفورة الشرق
عضو جديد
عضو جديد
avatar


مُساهمةموضوع: رد: ...::: الصدفه :::...   الأحد أغسطس 01, 2010 3:45 pm

هو انا فعليا عاجبني الكلام كله بجد
بس اللي متأكدة منه اني مش هقدر افتكر كل الردود اللي كنت
ناوية ارد بيها.
فمعلشي هعقب على اللي اقدر عليه
لآن الرد بيبقى طويل وفيه حاجات كتيرة
وانا دماغي بقى بيفصل بسرعة
فسامحوني لو ما اقدرتش الم الموضوع بشكل كامل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصفورة الشرق
عضو جديد
عضو جديد
avatar


مُساهمةموضوع: رد: ...::: الصدفه :::...   الأحد أغسطس 01, 2010 3:53 pm

ردا على كلام دكتورة س.س:
اولا ميرسي .ده من بعض ما عندكم يا جميل
ثانيا:
عارفة هو الموضوع مش كده
في جملة لدكتور هيثم هي الأدق
ان الانسان مخير لما هو مسير له
انا شايفة الحياة زي فقاعة غازية كبيرة كل جزئ منها مترابط بشكل
معين مع اللي جنبه عشان يحافظ على تكوينها
وطبعا احنا جواها(زي صورة فيلم المش مهندس حسن كده)
لكن لتنافر رغبات الناس وسلوكهم كل واحد بيتجه في ناحية
وده بيسبب عدم اتزانها...لكن بتفضل في طريقها للارتفاع
فلا مفر منه
وقصدي بالفقاعة كمان ان اي شيء جواها هو جواها مش هيخرج الكل هيتأثر بيه
اللي هعمله النهاردة بشكل ما هيأثر فيكي بكرة
وهكذا ......ومن هنا بيجي احساسنا اننا مسيرين.
لكن عارفة لما يكون في بيبي صغير وانتي عارفة حدود تصرفاته وتفكيره
لو حاطيتي قدامه شيء ..انتي عارفة هيتعامل معاه اواي
لكن بتراقبيه وهو بيتصرف يختار
هو ده وضعنا تماااااااااااااااااام
ربنا سبحانه وتعالى بيدينا المسببات لكن احنا بنتختار الطرق
فاهماني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصفورة الشرق
عضو جديد
عضو جديد
avatar


مُساهمةموضوع: رد: ...::: الصدفه :::...   الأحد أغسطس 01, 2010 3:59 pm

بغض النظر عن اني لسة وراكي يا س.س
بس استحمليني كمان شوية
انتي قلتي ان كلامي دعوة للرحمة
انا شايفة انه دهوة للتوأم وده هيشمل جواه الرحمة
كلامك ان الأحبة بيفدوا احساسهم بالرحمة على بعض
انا مش شا يفاه كده
عارفة اللي احنا مش بندركه بشكل على قدره
اننا مش نفس الشخص
ومش هنبقى نفس الشخص
لكن بنطلب من اللي قدامنا انه يبقى نسخة معدلة لمجرد
انه يحسسنا بالرضا عنه
وده مش صح
وهنا بنفقد الشيء الأهم
وهو اننا نفهم بعض
انا شايفة ان هي دي المشكلة الغير مرئية عدم ادراكنا لضرورة فهن
الشخص اللي معانا
فهم محتاجين اكتر انهم يفهموا بعض..........ساعتها هيعرفوا يرحموا بعض
لأنهم ساعتها هيدركوا كل الجوانب الكويس والسيء برضا
والحب هيتحول لشعور بالانتماء
وده اجمل الف مرة من الحب
لو سالتيني
وفي النهاية ده مجرد رأي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصفورة الشرق
عضو جديد
عضو جديد
avatar


مُساهمةموضوع: رد: ...::: الصدفه :::...   الأحد أغسطس 01, 2010 4:05 pm


دكتور هيثم
بالنسبة لكلام حضرتك بجد اكتر من رائع
وانا كتفقة مع حضرتك كليا
وعلى فكرة ده ما بيحصلشي كتير
فلك حق تفرح وتعتز بنفسك كمان


انا شايفة ان الانسان لو ادى لنفسه الفرصة انه يقرب من ربنا هينجا
مثلا ساعات تبقى متضايق وتقعد تكلم نفسك وتزرزر بقى
وياه ياه لو حد مضايق بتبقى بتدرب ملاكمة في وشه جوا دماغك
تخيل بقى ان كل الكلام ده انت حولته من بينك وبين نفسك
عشان يبقى بينك وبين ربنا
في اي مكان في اي حدث
تخيل انك بتلكمه هو طول الوقت
تفتكر هتتعب ..هتوه .........هتفقد رضاك بالمكتوب؟
ما اعتقدشي
وده اللي انا بحاول اعمله على أد ما اقدر
وصدقني نتيجته فعالة جدا .......الغريب ان ربنا هو اللي عايزنا
يبقى احنا ممكن نتأخر...........مستيحل



وعلى فكرة كلام حضرتك بجد ينم عن وعي ديني
وميرسي على الرد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
...::: الصدفه :::...
الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
أحــــلـــى بــيــطـــرى :: قعده بيطرى جـــــــــــداا :: التنميه البشريه-
انتقل الى: