موضوع: فضفض مع صوره السبت نوفمبر 14, 2009 12:30 am
مش عارف الفكره دى ممكن تعجبكم ولا لأ بس هى خطرت فى بالى قلت اتجنن معاكو شويه الفكره انه هنجيب صوره بس تكون فيها عمق شويه ونسرح معاها ونفضفض حاسين بايه او بتفكرنا بايه مرتبطه بحدث معين او فكره معينه او اى حاجه جت فى بالك لما شوفتها الفكره ان الصوره تكون مصدر الالهام والتعليقات طبعا كل واحد حر يجيب صوره معينه ويقول الصوره دى بتحسسه بايه
هبدأ انا مع الصوره دى
الطفوله الحزينه
ممكن تكون الطفوله حزينه؟
معرفش بس انا فاكر انى كنت طفل سعيد بالرغم من عثرات كتيره الا انى بجد وقتها كنت سعيد جدا والغريب انى كنت بخاف على السعاده دى وكنت عارف انى سعيد بشكل غير طبيعى واتعلمت اخاف على فرحتى لانها ممكن تتسرق طبعا ده مفهمتوش غير لما كبرت وعرفت ان الدنيا ملهاش امان وان الواحد لازم يبقى غير ما كان عليه فى الطفوله
وابتدت مخاوفى تتحقق الى ان اصبحت السعاده غايه اسعى اليها فى بحثى عن اى مصدر فكاهه وحاولت قتل الطفل داخلى حتى انى كنت اتعامل مع الناس بغلظه احيانا
دلوقتى بس حسيت معنى الطفوله الحزينه
ScareCrow عضو ممتاز
موضوع: رد: فضفض مع صوره الجمعة يوليو 02, 2010 11:18 pm
الصورة دى بتفكرنى باحلى ايام قضيتها فى الابتدائى ويمكن لو الزمن رجع ورا كنت قدرت اغير حاجات كتيييييييييييييييييييييييييييير اوى فى حياتى لكن ليت الطفولة تعود يوما