[size=24][color=red]القلب ام العقل[/color][/size]

[ممكن تسمحولي يا جماعه اعرف رأيكم فموضوع محير بجد: ياترى لو فكرت تختار شريك حياتك تختاره بقلبك الاول ام بعقلك؟ وهل تختار من يحبك ام تختار من تحب انت؟

انا معاك يا مغازي انت قلت الكلام اللي كنت هقوله بالظبط والحب فعلا مش كفايه عشان تختار بيه شريك حياتك لانك ممكن تحب حد مينفعش ماديا او اخلاقيا او مستوى تعليمي وحاجات تانيه كتيره بس العقل لازم يتدخل في اختيار شريك حياتك

هو الموضوع هاتلاقوا فيه اراء كتير
بس فيه شوية قواعد موجوده وجاهزة علشان تختار شريك حياتك
يعنى مثلا توافق بين الارواح او الحب يعنى .. التوافق الفكرى .. الحالة المادية .. وفى بعض الاحيان النادرة ممكن المركز الاجتماعى
وطبعا مش من عندى القواعد دى .. ده اللى باشوفه قدام عينى .. وفى الغالب الاهل مش بيحطوا فى اولوياتهم الحب .. يعنى مالهمش دعوة بحكاية الحب دى وده عند اهل البنت طبعا مش الولد .. لان الراجل رايح باختياره ..
بس طبعا كلنا عارفين ان الزواج ده شيئ مقدر مش بايدى او بايدك .. لكن البنت تقدر ترفض وتصد كل محاولات الزن على الودان اللى بتبقى عاملة زى الهوا اللى بتتنفسه من والدتها .. وتقدر تتمسك باللى بيحبها وبتحبه طالما ان هو وعدها بانه هايتقدملها .. وللعلم البنت مش بتقدر وبتستسلم لزن الست الوالده كرمها الله .. وده اللى انا خايف منه

لكن زى ما قلت هاتلاقوا اراء كتير

وبعدين تختار اللى بيحبك ولا اللى بتحبه
فى رايى ان الاتنين لازم يكونوا بيحبوا بعض
لكن حب من طرف واحد -فى رايي- بيبقى زواج فاشل

اولا ازيكوا ياحلوين
وحشتونى جدا بقالى كتير قوى بعيد عنكوا
ثانيا انا رايى المتواضع ياجماعه ان القلب اوقات كتير هو اللى بيسود
الحب مش بايد حد ولابنختار حد بعينه ولابيتنقى
دى حاجه بتيجى كده لوحدها زى القضا بينزل على الواحد مره واحده من غير ميعاد ولامنتظر اعتراض او موافقه
انا بقول كده من نماذج كتير شفتها
وتقريبا كان الحب فيها هو الكسبان على الرغم من اختلافهم فى حاجات كتير
انا معاكوا ان لازم الحب من الطرفين والا يبقى عذاب