(للشباب فقط) ازاى تكلم بنت انت معجب بيها

عضو ممتاز

زى اى شاب مصرى او عربى عندنا فى مجتمعنا فكرة انك تتعرف على بنت من اول مقابله فكره صعبه شويه وده راجع لسببين الاول هو (تناكة البنت المصريه وثقتها الزائده فى نفسها) الثانى(ارتباك الشاب المصرى او بجاحته اى ان نادر ان تجد شاب معتدل) فالبنت من اول كلام ليها مع الشاب بتبدأ تحكم عليه بانه (لخمه) او بانه (صايع وبرماجى) وتبدأ تتعامل معاه على اساس شخصيته ولكن ده مش موضوعنا الاهم بالنسبه لك كشاب هو ازاى تتعرف عليها اصلا اولا تبدأ تراقبها من 3الى 4 ايام ايه الاماكن الى بتروحها يوميا؟ فى كلية ايه او حتى مدرسه؟ مين اخوتها خاصا الاولاد؟ علشان لو ليها اخ (صحته حلوه شويه) تبدأ تفكر فى واحده غيرها من البدايه تتعرف على ولاد حتتها وجيرانها البرمجيه منهم فقط عشان دول اللى هيجبولك قرارها ثانيا وده الاهم تقلب الدنيا على رقم تليفونها وياحبذا لو كانت موبينيل سعر الدقيقه فيها 20 قرش عشان توفر يعنى وتبدأ بقى مع رحلة المسدات والمسدجات الرقيقه بس ركز على المسدجات الرقيقه اللى فيها لاكلام الاعجاب زى (انت احلى واحده خلقها ربنا على وجه الارض) (انتى اللى انا بحلم بيها ) الخ ثم تقطع المسدات والمسدجات لمدة اسبوع كامل (التقل صنعه) ثالثا تكلمها بقى مكالمه من امو 20 قرش و تفهمها انك بقالك اسبوع ما بتنامش عشان بتفكر فيها لمدة شهر ونفسك تتعرف عليها ومش قادر وده لانك طبعا انسان خجول و عاطفى (النسوان بتحب السهواكه) ونفسك تقابلها ولو مره قبل اما تموت وده طبعا لانك مش هتعوز حاجه من الدنيا بعد اما تشوفها واستمرارية الحياه عندك هتبقى تحصيل حاصل الا اذا انعمت عليك بمقابله تانيه وتستمر كده فى الكلام معاها لحد اما تاخد المعاد رابعا ازاى تحضر للقاء او المقابله يعنى طبعا بعد اما تلبس الحته اللى على الحبل و تحط كل محتويات زجاجة البرفيوم عليك حلوه زجاجه دى لزوم اللغه العربيه الفصحى ماانت لازم تتدرب على الكلام المحترم قبل اما تروحلها عشان ما تعكش وطبعا لو عدة موبايلك اى كلام هتاخد عدة اخوك حلاوه او عدة صاحبك ميشو وتنطلق الى النادى او المدرسه او الكليه او اى مكان عام حددتوا فيه اللقاء خامسا اعرف ان الدخله الاولنيه بتحدد كل شىء فخش بثقه وتناكه مالهمش حدود وسلم عليها بطرف ايدك وانت بتقولها (هاى ازيك اتفضلى اقعدى تشربى ايه بس ما تتطلبيش حاجه غاليه ههههه عشان تضحكلك وضحكت يعنى قلبها مال وخلاص الفرق ما بينكوا اتشال على راى الهضبه عمرو دياب) ابدأ كلمها عن نفسك ايجابياتك بس وابدأ قولها ان هى احد احلامك التى لا تفارقكك بالنوم او اليقظه والكلام بيجيب كلام والعزول يعمل حسابه يعنى هى لو جايبه معاها صاحبتها لازم تفهمها انها تستحمل شويه وقبل انتهاء اللقاء بدقائق اديها حاجه للذكرى وياريت لو سلسله قلب مقسوم حرفين اول حرف من اسمك واسمها

وادعييييييييييييلى

afro

عضو ممتاز

بداية

لكن بادعى بايه ........ ؟
ده احنا تطورنا على الاخر .. نصائح فى موضوع يخص الحب والكلام ده .. انا افتكر انك "Empty Heart"
وفيه حد يستنى على دى كفاية بس الضحكة دى .. وطبعا انت اكيد عارف الضحكة كانت عاملة ازاى -اكيد سمعتها- فى المقطع علشان ما تفهمش صح
وزجاجة بيرفيوم .. لغة عربية على فرنسية .. دى "perfect"علشان تبقى دخل عليها انجليزية وتكمل
اما عن المكالمة ام 20 قرش ففيه دلوقتى فودافون عملت عرض 30 دقيقه for free من بعد الدقيقة الثالثة
وعرض yes من اتصالات ب 5 قروش لثلاث ارقام
وانصح بعرض اتصالات ده لانه بيتيحلك تكلم ثلاث بنات مش واحده بس يعنى عرضنا ثلاثة على واحد .. الحق قبل نفاذ الكمية

موضوع حلو يا مان مستنيين الباقى اللى فى "قعر الحلة"

عضو جديد

موضوع جميل بس الكلام ده لو واحد عايز يصاحب واحدة مش بيحبها ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عضو ممتاز

AbdelrahmaN كتب:: بداية
لكن بادعى بايه ........ ؟
ده احنا تطورنا على الاخر .. نصائح فى موضوع يخص الحب والكلام ده .. انا افتكر انك "Empty Heart"
وفيه حد يستنى على دى كفاية بس الضحكة دى .. وطبعا انت اكيد عارف الضحكة كانت عاملة ازاى -اكيد سمعتها- فى المقطع علشان ما تفهمش صح
وزجاجة بيرفيوم .. لغة عربية على فرنسية .. دى "perfect"علشان تبقى دخل عليها انجليزية وتكمل
اما عن المكالمة ام 20 قرش ففيه دلوقتى فودافون عملت عرض 30 دقيقه for free من بعد الدقيقة الثالثة
وعرض yes من اتصالات ب 5 قروش لثلاث ارقام
وانصح بعرض اتصالات ده لانه بيتيحلك تكلم ثلاث بنات مش واحده بس يعنى عرضنا ثلاثة على واحد .. الحق قبل نفاذ الكمية

موضوع حلو يا مان مستنيين الباقى اللى فى "قعر الحلة"

ههههههههههههههههههههههههه

لا انا مش (empty heart) انا (brave heart) وشكرا على فكره اتصالات دى

ومتخافش انا مفتحتش الحله اساسا يعنى ياما فى الجراب يا حاوى

Love is life كتب:: موضوع جميل بس الكلام ده لو واحد عايز يصاحب واحدة مش بيحبها ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هو الكلام ده برضو ينفع لو واحد بيحب واحده وهيا مديالو طناش

عضو جديد

[b]ملحوظة : في نهاية ثالثا كان في ( اما ) هتاخد ميعاد ..بتهيألي نسيت تقول يا (اما ) رقم 2 اللي هي هتتهزق وتصبح بشكل عملي من اصحاب الكرامات والآذان والذكريات الموجوعة

ومنه تبقى النصيحة الصح لهم :
just be your self
وهي اما : accept that أو انها refuse
بس في الحالتين الوضع جيد لانه بصدق

عضو ممتاز

على فكره انا عامل الموضوع ده على سبيل الهزار

يعنى لو ركزتى فى المصطلحات اللى انا مستخدمها هتعرفى اننا جبتها على اساس انها تضحك

مش خارطه طريق للشاب فى معاملتها

so it is just for fun

وانا اساسا ضد ان ى علاقه تكون قائمه على خداع

لانه فيه حكمه سمعتها بتقول

((اذا استطعت ان تخدع بعض الناس بعض الوقت ..فلن تستطيع ان تخدع كل الناس كل الوقت))

» تكلم إلى العالم دون أن تنطق - ميشيل ستيرلينغ
» اختار بنفسك الطريقة اللى تموت بيها !
» بالرغم انى بنت ولكن بقول للشباب ياريت؟؟
» ابو كرتونه
» ازاى تعيش مرتاح