خطيب بارد جدا
هو وهي ماشيين ع الكورنيش...الجو حر نار
هي:عطشانه
هو :وانا كمان
هي :يعني عايزه اشرب
هو :اكيد مدام عطشانه تبقي عايزه تشربي
هي :المفروض بما ان عندك احساس يعني لما اقولك عطشانه تجيب لي حاجه ساقعه
هو:ومين اللي هيحاسب
هي :انت طبعا
هو:منين يا حسره منتي عارفه الكانز وغطاه
هي :ما قلتش عايزه كانز كفايه ازازه صاروخ
هو :طب لو هتجيبي اعزميني معاكي
هي :يبني انت مبتحسش وبعدين بقالنا 3 ساعات ماشيين مش ناوي تقعدنا ولا ايه
هو: عندك الكورنيش كله اختاري الرصيف اللي يعجبك
هي :قصدي تعزمني في مكان شاعري
هو:في الحر دا مينفعش
هي :بلاش دي ناخد مركب
هو:المراكب بتغرق اليوميذن دول خلينا في البر احسن
هي:بلاش المركب تعالى ناكل ترمس اظن دا رخيص
هو: انتي تضمني منين ان الراجل غاسل ايده وغاسل الترمس
هي :انت مقفلها كدا ليه؟؟؟؟؟؟؟؟؟
هو: بصراحه معييش فلوس
هي :يا سلام ما انت كان معاك فلوس امبارح
هو:امبارح دخلت السنيما مع واحده حلوه كدا فالفلوس خلصت
هي:بنت حلوه ؟؟ وبتقولها في وشي
هو :اكدب عليكي يعني
هي :لا ..تحرق دمي احسن
هو: مش شامم ريحه شياط يعني
هي:يخرب بيت البرود
هو:برود ايه؟؟ ما هو الجو مولع اهوه
هي : انت اللي بارد
هو:بارد ازاي ؟؟دا انا بشر عرق
هي: بقولك ايه ..روحني
هو:اروحك؟؟هو انتي متعرفيش تروحي لوحدك
هي :اااه ..طب انا ماشيه
هو:ليه يا حبيبتي؟؟؟
هي :حبك برص
هو:والله البرص بيفهم عشان حبني
هي:بجد كدا كتير
هو:كتير ايه؟؟؟
هي :ارحمني ..واضح ان الحر بيجي معاك بالعكس ..يا بارد
هو:يعني مصممه تمشي؟؟؟
هي:ايوه وحالا كمان
هو:طب استني لما نوصل لاخر الشارع
هي : اشمعنى؟؟؟
هو:اصل انا ساكن هناك وميرضكيش اروح لوحدي
هي:لااااااااااااااااااااااااااااااااااااا
هو:ينفع كدا ترمي نفسك في الميه مين هيوصلني بقى