بسم الله الرحمن الرحيم
يقولك فية واحدة فرنسية إسمها ليزا
وواحدة إنجليزية إسمها اليزابيث
وواحدة عربية إسمها أم سيد
التلاتة زهقوا من شغل البيت والطبخ والكنس فإتفقوا يعملوا إضراب ويخلوا
أجوازهم يشتغلوا بدالهم وبعد إسبوع يتقابلوا وكل واحدة تحكي خبرتها في
الموضوع ده
+++++++++++++
وبعد أسبوع
قالت ليزا الفرنسية أنا قلت لجوزي من النهاردة مش حاكنس ولا أطبخ ولا أكوي أنا زهقت من الشغل ده وشوف لك حل بأة
فات يوم وماشفتش حاجة
وتاني يوم برضه ماشفتش حاجة
وتالت يوم لقيت جوزي قايم الصبح بدري ومحضر لي الفطار والشاي وجابهولي في السرير وأنا نايمة وبعدين راح شغله
*********************
اما البريطانية اليزابيث ردت وقالت : وأنا كمان قلت لجوزي أنا من النهاردة مش حاكنس ولا أطبخ ولا أكوي في البيت , أنا زهقت خالص
أول يوم ماشفتش حاجة
وتاني يوم برضه ماشفتش حاجة
لكن في اليوم التالت لقيت جوزي رايح للبقال إشترى كل الطلبات الي كنا
عاوزينها في البيت وبعدها قام نظف البيت كله وكل شئ بأة تمام التمام
*************************
أم سيد جاء دورها في الحكي فقالت: أنا روحت بعدما سيبتكم وقلت لجوزي إسمع
بأه يا أبو سيد أنا زهقت من شغل البيت وإعمل حسابك أنا من بكرة لاحاكنس
ولا أطبخ ولا أكوي
وبصراحة كدة
أول يوم ماشفتش حاجة
وتاني يوم ماشفتش حاجة
وتالت يوم ماشفتش حاجة برضة
والحمد لله رابع يوم قدرت أشوف شوية بعيني الشمال
موضوع: ليزا واليزابس وام السيد 
الجمعة سبتمبر 18, 2009 5:15 pm
