أحــــلـــى بــيــطـــرى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أحــــلـــى بــيــطـــرى

ملتقى طلاب كليه الطب البيطرى جامعه كفر الشيخ
 
الرئيسيةwww.a7lavet.ahlأحدث الصورالتسجيلدخول

 

 تخيلوا ........العالم كما قدره الله

اذهب الى الأسفل 
5 مشترك
كاتب الموضوعرسالة
sound of silence
عضو ممتاز
عضو ممتاز
sound of silence



تخيلوا ........العالم كما قدره الله Empty
مُساهمةموضوع: تخيلوا ........العالم كما قدره الله   تخيلوا ........العالم كما قدره الله Icon_minitimeالخميس يوليو 02, 2009 12:14 am

انا من عشاق المرحوم الشيخ متولي الشعراوي....واسلوب تفسيره للقرآن الكريم

سمعته مره وهو يفسر آيه من سوره البقره....بصراحه انا مش فاكره نص الآيه بالظبط......بس تفسيرها بصراحه مسبنيش

كان بيفسر في جزئيه نزول آدم وحواء من الجنه للارض.......في كلمتين بالظبط

لتشقي........وكلام الله فيها كان بالمفرد......وكان موجه لآدم بس.....يعني الشقي.....يعني السعي والتعب...بالمعني الاصح الشغل...من الآخر الوظيفه والعمل

والكلمه التانيه......لتسكنا فيها....وكانت موجه لآدم ولحواء....يعني السكينه ..بمعني المنزل .

متهيالي القصد كده بقي مفهوم

تخيلوا
لو آدم وحده هو الذي يعمل وحواء مستقره في المنزل.....كم عدد فرص العمل اللتي سيلقاها آدم...لا وايه
بما ان حواء دلوقتي بقت 6 اضعاف آدم عددا....يعني شاغله 6 اماكن....وممكن نقول اقل وظيفه دلوقتي مرتبها 500جنيه يعني آدم × 7(1آدم+6 حواء) =3500 جنيه..دي اقل وظيفه ياناس
طيب لو1000 جنيه......يبقي مرتبه 7000 جنيه......تتخيلوا

وبكده تبقي البطاله انتهت اللي العالم بيحاول يعالج مشكلتها منذ ميلاده....لا وفرص الزواج اتحسنت
ومش بس كده...وعند عوده آدم للمنزل يلقي ترحيب من حواء......اصل شغلها الشاغل اصبح آدم والابناء......واصبحت خاليه من ضغوط العالم الخارجي.....تخيلوا

اصل اذا كان آدم بيبني لابنائه.....فحواء في المنزل متفرغه لبنائهم
بالمعني الاصح....اذا كان آدم يحضر ادوات البناء.....فحواء هي البناء.....هذا هو تقدير الله

ولكن الان...وفي العالم الذي نحياه.....بيطلبوا بعمل المرآه وتحررها....لا واللي بيطالب الدول الاوروبيه باسم التحرير....ولكن للاسف ما هو الا تدمير....اختلفت المصطلحات والمعني واحد......مجرد تلاعب بالالفاظ...من اجل التحايل علي العقول
وايضا يناشدون الان......باحتلال المراه لعدد معين من مقاعد مجلس الشعب.....رغم انه قد خاب قوم حكمته النساء.....لانهم ناقصات عقل....اي تحكمهم العاطفه

تخيلوا.......كم عدد المشاكل المذمنه اللتي تحتل المجتمع ستحل......لو العالم كان كما قدره الله

الحمد لله ربي علي ربوبيتك.....الحمد لله ربي علي وجودك معي...سبحانك ربي لا اله الا انت

طيب جماعه......لو اقتنعتو بالفكره....تيجوا نجرب ننشرها.....يعني كل آدم يحاول يقنع حواء اللي تخصه بالفكره.......زي زوجته .بنته.اخته.ممكن نقول والدته كمان......ده هيحصل تغيير شامل في الكون...يعني من الاخر آدم مش مضطر يقعد لسه يكون نفسه.....وحواء تقعد تستني ابن الحلال في البيت.......وعلاقات كتير تفشل بسبب الظروف....ده اقل مرتب ليه هيكون3500.............ما تيجوا نجرب lol! lol!
الرجوع الى أعلى الصفحة اذهب الى الأسفل
lovely Queen
عضو ممتاز
عضو ممتاز
lovely Queen



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالخميس يوليو 02, 2009 1:02 am

بجد بجد بجد
اقنعتينى فعلا
تعرفى انا كان الموضوع ده بفكر فيه انه لازم باتفاق وكده مابين الاطراف
تراضى يعنى وكده
بس قعدت فكرت مع نفسى
لو انا مثلا دكتوره اهه وقعدت فى البيت بعد الجواز مثلا ومش اشتغلت
سنه اتنين عشره
اكيد نسيت الطب وكل اللى اتعلمته
وحصلت اى ظروف لا قدر الله وفاه او كده او اى ظروف تانيه
طب اكيد حيكون تفكيرى ساعتها لو كنت بشتغل كنت حلاقى حاجه تانيه اقدر اعتمد عليها

هو انا مقتنعه بكلامك جدا
بس بردوا بخاف لو حصل اى حاحه زى دى
التصرف الاكرم ليا انى اكون بشتغل من الاول

بس بجد بجد منوره المنتدى
Twisted Evil Twisted Evil Twisted Evil
الرجوع الى أعلى الصفحة اذهب الى الأسفل
sound of silence
عضو ممتاز
عضو ممتاز
sound of silence



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالخميس يوليو 02, 2009 1:50 am

هو يالفلي .......بصراحه احنا ناسيين الطب من دلوقتي اصلا Razz Razz

بس زي ماانتي بتقولي لو فيه حاله وفاه زي ماانتي بتقولي...لا قدر الله...المفروض ان فيه معاش الدوله بتكون مخصصاه للحوارات دي.....وبيبقي علي حسب مبلغ المرتب......وبما ان المرتب بقي عالي خلاص.....هو هيكون عالي

وبعدين يالفلي المفروض ان انتوا كنتوا عايشين حياه كريمه.......يعني قدرتوا تدخروا......يعني نتخيل

ميرسي لمرورك ياجميل.......واهوكله خيال lol! lol!
الرجوع الى أعلى الصفحة اذهب الى الأسفل
lovely Queen
عضو ممتاز
عضو ممتاز
lovely Queen



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالخميس يوليو 02, 2009 2:15 pm

طب مانتخيل ان اننا بشتغل بالمره
على فكره مهما كانت الحياه كريمه اكيد بتتأثر بوفاه الاب
الحاله اللى شفتها او اللى خوفتنى وخلتنى افكر فى الحوار ده
دكتوره بشرى وكانت مجوزه دكتور بردوا
هى قعدت فى البيت يجى 20 سنه واللى حاجه
وهو كان فاتح عياده
اما توفى طبعا العياده مابقتش موجوده
اكيد مصدر كبير من الدخل راح
غير بقى المعاش اللى انتى بتقولى عليه
لان العياده دى مثلا مصدر خاص
وبالتالى صعب اللى متعود على مستوى معين انه يقل عنه فجأه كده
فاهمانى؟؟؟؟؟؟؟
الرجوع الى أعلى الصفحة اذهب الى الأسفل
sound of silence
عضو ممتاز
عضو ممتاز
sound of silence



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالخميس يوليو 02, 2009 3:30 pm

هههههههههههههههه.............معاكي بس انتي مخديش بالك...انه بكده هيكون الدكتور ساب 7 وظائف ثابته
واكتفي بالعياده.........انا بكلم علي عالم تاني.......عالم الظروف فيه متاحه بكل مجالتها

اه صحيح يالفلي.........مين الدكتوره بشري دي Question Question

ميرسي لمرورك ياجميل Razz Razz
الرجوع الى أعلى الصفحة اذهب الى الأسفل
ScareCrow
عضو ممتاز
عضو ممتاز
ScareCrow



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالسبت أكتوبر 31, 2009 4:40 pm

الفكره جميله ووجهة نظر بناءه.......
لكن مين اللى هاينفذ ؟
موضوع زى ده المفروض انه انتشر على منتديات كتير والاقبال عليها كويس علشان الفكره توصل
اقصد انت اللى تنشره وانا هابدأ فى نشره زى ما اقدر باذن الله.
الرجوع الى أعلى الصفحة اذهب الى الأسفل
DEAD MAN
عضو ممتاز
عضو ممتاز
DEAD MAN



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالسبت أكتوبر 31, 2009 6:40 pm

صدقنى يا باشمهندس لو اتنشر فكل المنتديات محدش هيسمع لانه مجتمع غلب عليه الفساد
الرجوع الى أعلى الصفحة اذهب الى الأسفل
dr eias
عضو فعال
عضو فعال
dr eias



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالسبت أكتوبر 31, 2009 8:09 pm

كويس قوى انك قلت كده وانك فاهم ان ربنا لما قال الرجال قوامون على النساء كان تكليف مش تشريف
يعنى هو قوام على رعايتها لمساندة ضعفها اللى هو فطرى اساسا
لكن اللى حصل انه استخدم قوته عليها مش ليها واصبح فاهم انها بضعفها ده عبدة ليه وهى مالهاش اى دور فى الحياة غير نعم وحاضر ومفيش نقاش ووصلت الامور انه يدوس على كرامتها وعادى من حقه يعتبرها شى مهمل وعادى من حقه رغم ان ربنا مقالش كده
بدات حواء تبحث عن اللى يرد لها كرامتها وكيانها تانى يعنى انت بتطالب المراة بالتخلى عن شى واحد يشعرها بوجودها وناسى الرجل اللى كان السبب الاساسى فى كده
الرجوع الى أعلى الصفحة اذهب الى الأسفل
DEAD MAN
عضو ممتاز
عضو ممتاز
DEAD MAN



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالسبت أكتوبر 31, 2009 9:35 pm

dr eias كتب:
كويس قوى انك قلت كده وانك فاهم ان ربنا لما قال الرجال قوامون على النساء كان تكليف مش تشريف
يعنى هو قوام على رعايتها لمساندة ضعفها اللى هو فطرى اساسا
لكن اللى حصل انه استخدم قوته عليها مش ليها واصبح فاهم انها بضعفها ده عبدة ليه وهى مالهاش اى دور فى الحياة غير نعم وحاضر ومفيش نقاش ووصلت الامور انه يدوس على كرامتها وعادى من حقه يعتبرها شى مهمل وعادى من حقه رغم ان ربنا مقالش كده
بدات حواء تبحث عن اللى يرد لها كرامتها وكيانها تانى يعنى انت بتطالب المراة بالتخلى عن شى واحد يشعرها بوجودها وناسى الرجل اللى كان السبب الاساسى فى كده


عايزين ايه الخلع وبتخلعوا وواخدين حقكوا كامل ومكمل
الرجوع الى أعلى الصفحة اذهب الى الأسفل
dr eias
عضو فعال
عضو فعال
dr eias



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالسبت أكتوبر 31, 2009 9:42 pm

يا دكتور ما هو الضمان اللى مخلينا مطمنين وطول ما احنا واخدين حقنا خلاص الحياة حلوة ومفيش مشاكل ضدكم ولا حاجة
ليه بقا عاوزينا نتنازل عن حقنا ده ونرجع لايام الذل تانى
انا عايزة اقول ان فيه بعض الستات بيستخدم لفظ حقوق المراة بقلة ذوق شويه احيانا بس كل واحد يتعامل بشخصيته هو ويتحاسب على تصرفاته سواء رجل او ست والحق لازم يتقال حتى لو على نفسك
الرجوع الى أعلى الصفحة اذهب الى الأسفل
DEAD MAN
عضو ممتاز
عضو ممتاز
DEAD MAN



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالسبت أكتوبر 31, 2009 9:50 pm

ليه بقا عاوزينا نتنازل عن حقنا ده ونرجع لايام الذل تانى

على فكره طاعه الزوج ورعايه الابناء مش زل بالعكس ده اعلى مراتب التشريف
لان دى وظيفه المراه فى حياتها
الرجوع الى أعلى الصفحة اذهب الى الأسفل
dr eias
عضو فعال
عضو فعال
dr eias



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالسبت أكتوبر 31, 2009 10:03 pm

انت فهمتنى غلط انا قلت فى اول كلامى ان المراة مطالبتش بحقوقها علشان تعبت من شغل البيت او رعاية الاولاد بالعكس دى اكبر متعة بالنسبة للست وهى بتخدم بيتها اللى هى بتبنيه وبتشيله وبيبقى على قلبها زى العسل
انا قلت ان الرجل استغل ضعف المراة غلط ونسى التكليف اللى ربنا كلفه بيه وبق يهينها ويعاملها كخدامة عنده يشتم ويضرب ويهين كرامتها ويقول انا الرجل دى مش رجولة خالص الرجل بتفهمه تفتكر لما الست تحس ان كرامتها ماهانه هيجيلها نفس تقوم بدورها كربه اسرة ماظنش
الرجوع الى أعلى الصفحة اذهب الى الأسفل
DEAD MAN
عضو ممتاز
عضو ممتاز
DEAD MAN



تخيلوا ........العالم كما قدره الله Empty
مُساهمةموضوع: رد: تخيلوا ........العالم كما قدره الله   تخيلوا ........العالم كما قدره الله Icon_minitimeالسبت أكتوبر 31, 2009 11:32 pm

انا اعتقد ان الراجل اللى يستضعف المراه ويعاملها كخدامه ده راجل ضعيف فى نفسه

وعايز يثبت قوته فبيثبتها على حد تانى

وبعدين الطبع ده مش منتشر والحمد لله
الرجوع الى أعلى الصفحة اذهب الى الأسفل
 
تخيلوا ........العالم كما قدره الله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحــــلـــى بــيــطـــرى :: شباااااااااب وبناااااااااات بيطرى :: افتح قلبك-
انتقل الى: