ااولا ياجماعه انا عارفه ان الكلام اللى هيتقال ده كلنا عارفينه بس اكيد احنا بنحتاج من وقت للتانى اننا نفكر بعض بحاجات يمكن انها تتنسى او الدنيا ومشاغلها تنسيها لنا عاوزين نعرف احنا ايه مشكلتنا عامه ولاد او بنات ؟ هى اننا مش عارفين نحقق حاجات عاوزنها او اننا اصلا مش عارفين احنا عاوزين ايه ؟او اننا عارفين ومش بنعمل اللى مفروض نعمله عشان تحقيق الهدف ده الكلام طبعا هيبقى كتير قوى عشان كده احنا اكيد هناخده واحده واحده ونعرف اراء بعض وننقل للخطوه اللى بعدها فى البدايه لازم ناخد بالنا من حاجه مهمه جدا وهى كلمه اشمعنى اشمعنى فلان راكب عربيه وانا لا؟ او اشمعنى لابس كويس وانا لا؟ او بياكل كويس وانا لا؟ او بيقبض احسن منى ليه ماناخدهاش بالعكس اشمعنى انا صحتى كويسه وفلان لا ؟ اشمعنى انا باكل وغيرى مش لاقى ياكل؟اشمعنى عندى شهاده كويسه وغيرى لا؟ طبعا مش كلنا عندنا اشمعنى بس لازم نفتكرها ياشباب الناس انواع فينا اللى عارف هو عاوز ايه ومحدده وبيعلم نفسه ويدربها وبيعمل كل الاسباب عشان يوصل وفينا اللى عارف عاوز ايه بس مابيعملش حاجه وبتتعلق طبعا على شماعه ان هنتدرب او هنهيا نفسنا لهدفنا ازاى ؟ ظروف الحياه؟وفينا اللى مش عارف اصلا هو عاوز ايه بس هو عاوز يعيش مبسوط ويبقى تمام بس مش عارف يعمل ايه او ازاى او يمشى ازاى؟ بالاضافه لان فينا اللى بيقول الهدف ده مش لاقيه سواء شغل او فلوس او صحه او ما الى ذلك بس هل الشخص ده سال نفسه هل انا فعلا مهياه لانى اوصل لكده ؟هل انا عندى المميزات اللى تخلينى اعمل كده ؟طبعا ممكن الرد لا ؟ وبرده هيجيب العيب على الظروف مثلا انا هدفى انى اكون فى شغل كويس طيب هل انا عديت نفسى لكده ؟ هل انا خدت شهاده كويسه لكده؟ هل انا اتعلمت المهارات اللى الهدف بتاعى محتاجها؟ كل واحد لازم يعرف الاول هو عاوز ايه وازاى يحققه ؟ ياريت نتشارك مع بعض ونعرف احنا عاوزين ايه ؟ونوصله ازاى جايز كل واحد يبقى عنده نصيحه لحد اكيد هنفيد ونستفيدونكمل كلامنا بعد مانعرف عاوزين ايه
موضوع: ازاى نوصل لحياه صحيحه بانسان اصح 
الخميس يوليو 02, 2009 2:11 am
